Անգլիայի նախկին ֆուտբոլիստը հարբած վիճակում ծեծկռտուքի ժամանակ գլխի վնասվածք է ստացել․ Daily Mail
ՍպորտԱնգլիայի հավաքականի նախկին ֆուտբոլիստ Քենի Սանսոմը հարբած վիճակում ծեծկռտուքի ժամանակ ստացել է գլխի վնասվածք և գտնվում է հիվանդանոցում, որտեղ պայքարում է իր կյանքի համար։ Հաղորդվում է, որ 61-ամյա Սանսոմը ընկել և գլխի վնասվածք է ստացել: Ավելի ուշ Սանսոմի թվիթերյան էջում հայտնվեց հետևյալ գրառումը. «Քենին այժմ հիվանդանոցում է: Նա լավ է զգում չունի COVID-19»: Իր կարիերայի ողջ ընթացքում Սանսոմը խաղացել է Լոնդոնի «Արսենալի», «Նյուքասլի», «Քուինզ Պարկ Ռեյնջերսի», «Կրիստալ Փելասի», «Էվերթոնի» և «Ուոթֆորդի» կազմում: Անգլիայի հավաքականի կազմում Սանսոմն անցկացրել է ավելի քան 80 հանդիպում և մասնակցել Եվրոպայի երկու առաջնություններին (1980, 1988) և աշխարհի երկու առաջնություններին (1982, 1986):
1994 թ.-ին կարիերան ավարտելուց հետո Սանսոմը հրատարակել է իր ինքնակենսագրությունը, որում նա խոստովանել է, որ ինքը խնդիրներ ունի ալկոհոլի և խաղամոլության հետ: