Բացառված չէ, որ ծնողները բողոքեն. դպրոցի տնօրենը` Լանսարոտի կոնվենցիայի մասին

Վերջին օրերին ամենաշատ քննարկվող թեման ԱԺ-ում նախորդ շաբաթ ընդունված Լանսարոտի կոնվենցիան է: Որքան էլ իշխանական թևը պնդում է, որ կոնվենցիան պաշտպանում է երեխաներին սեռական շահագործումից, այնուամենայնիվ,  կա նաև կարծիք, որ կոնվենցիայի ընդունմամբ հող է նախապատրաստվում դպրոցներում սեռական դաստիարակություն իրականացնելու համար: Թե որքանով են պատրաստ աշակերտները, նրանց ծնողները նման առարկայի ներդրմանը և որ տարիքն է առավել նպատակահարմար՝ ԼՈՒՐԵՐ.com-ի թղթակիցը փորձեց պարզել Ջոն Կիրակոսյանի անվան թիվ 20 հիմանական դպրոցի տնօրեն Անահիտ Խոսրովյանից և նույն դպրոցի հոգեբան Մերի Ալեքսանյանից:

«Այժմ էլ՝ սեռական դաստիարակությանն առնչվող թեմաներ կան ներդրված «Առողջ ապրելակերպ» առարկայում: Շատ բան կապված է ուսուցչի ճկունությունից, թե ինչպես նա կհրամցնի այդ նուրբ թեման: Պետք է նշեմ, որ շատ ծնողներին այդ թեմաները դուր չեն գալիս, մյուսները՝ դեմ չեն: Եթե պետությունը գտնում է, որ պետք է ունենալ նման առարկա, ապա դպրոցը չի կարող ընդդիմանալ, հետևաբար, դասվարը կամ ուսուցչուհին իրենք կորոշեն՝ ինչպես դասավանդել, ինչպես աշխատել աշակերտների հետ»,-ասաց տնօրենը:

Խոսրովյանի խոսքով՝ ծնողների շրջանում կլինեն տարակարծություններ և դժգոհություններ. «Բացառված չէ, որ գան ու դժգոհեն՝ ասելով, որ այլ դպրոց են տեղափոխում իրենց երեխաներին, բայց ուր կտանեն: Շատ կարևոր է, որ ընդհանուր եզրակացություն լինի, որը կգոհացնի բոլորին: Այս պահին ամեն ինչ շատ անորոշ է և չգիտենք՝ կլինի նման առարկա, թե ոչ կամ եթե լինի, ապա՝ երբ: Պետք է սպասենք, չեմ կարող հապշտապ եզրակացություններ անել»:

 Տնօրենի հավաստմամբ՝ Ֆիզկուլտուրա առարկային զուգահեռ՝ 8-9-րդ դասարաններում երեխաներն անցնում են «Առողջ ապրելակերպ» առարկան, որտեղ անդրադարձ կա նաև սեռական դաստիարակությանը. «Ընդ որում, սեռական հարցերին վերաբերող թեմաների դասերը կիսված են՝ միևնույն դասը աղջիկներն ու տղաները առանձին են անցնում»: 

Նույն դպրոցի հոգեբան Մերի Ալեքսանյանն, անդրադառնալով հարցին, ասաց, որ ճիշտ կլինի, եթե երեխաները սեռական դաստիարակություն ստանան դպրոցում. «Երեխաները մեծապես ինֆորմացիա ստանում են համացանցից, որը նման նուրբ թեմայի համար լավագույն տարբերակը չէ, թեման այնուհետև քննարկվում է ընկերների շրջանում, որը ևս լավագույն տարբերակը չէ: Ցավոք, մեր իրականության մեջ ծնողները խուսափում են նման թեմաներից խոսել իրենց երեխաների հետ: Նաև սրա արդյունքում է, որ երեխաները սխալ պատկերացումներ են ունենում: Հետևաբար նման կրթություն դպրոցում ստանալը կարևոր է»:

Հոգեբանը նշեց, որ սեռական դաստիարակություն ստանալու համար ամենահարմար տարիքը 10-12-րդ դասարաններում է. «Ավագ դպրոցում աշակերտներն ավելի հասուն են, բայց շատ կարևոր է, որ նյութը ճիշտ մատուցվի երեխաներին»:

Ալեքսանյանն ընդգծեց, որ սա դասական տարբերակ է սեռական դաստիարակության վերաբերյալ. «Բայց ես դեմ եմ, եթե սեռական դաստիարակության մասին կամ գենդերային հարցերի շուրջ պարտադիր լինի զրուցել, օրինակ, տարրական դպրոցի երեխաների հետ»: 

Այս թեմայով Պետական քաղաքականությունն ուղղված է դպրոց-բուհ-գիտություն կապի ամրապնդմանը. Ժաննա Անդրեասյան Էս գնդակները թռնու՞մ են, չէ', լավ չեք փչել. Փաշինյանի այցը` Ստեփանավանի դպրոց Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ «Նոր Արտամետի միջնակարգ դպրոց» ՊՈԱԿ-ում գործարկվելու է էլեկտրական շչակ Կոտայքի մարզի «Նուռնուսի միջնակարգ դպրոց»-ում գործարկվելու է էլեկտրական շչակ «Եղեգնավանի միջնակարգ դպրոց»-ում գործարկվելու է էլեկտրական շչակ Ֆրանսիայի շուրջ 400 դպրոց սպառնալիքներով հաղորդագրություններ է ստացել Կոտայքի մարզի «Կարենիսի միջնակարգ դպրոց» ՊՈԱԿ-ում գործարկվելու է էլեկտրական շչակ Արարատի մարզի «Վերին Արտաշատի միջնակարգ դպրոց» ՊՈԱԿ-ում գործարկվելու է էլեկտրական շչակ Վարդենիսում էլ ենք դպրոց սարքում, ու թող էլ չասեն՝ էս ինչ բանը փակում են, որովհետև տալիս են