Իրականացվելու է ՀՀ Ազգային ժողովի առաջին մասնաշենքի դիմային մասի նորաոճ լուսավորում. Տիգրան Գալստյան

ՀՀ Ազգային ժողովի դիմային մասը նորաոճ լուսավորում է ստանալու։ Այս մասին ֆեյսբուքյան իր էջում գրել է ԱԺ աշխատակազմի ղեկավար Տիգրան Գալստյանը։

Նա, մասնավորապես, գրել է.

«Անկախ համավարակով պայմանավորված սահմանափակումներից՝ ՀՀ Ազգային ժողովի աշխատակազմը 2020թ. ընթացքում պլանավորել եւ հիմնականում իր ԽՆԱՅՈՂՈՒԹՅՈՒՆՆԵՐԻ հաշվին հետեւողականորեն իրականացնում է հետեւյալ ծրագրերը․

1. Փոխարինվում են անորակ եւ երկարատեւ շահագործման արդյունքում վերջնականապես մաշված, մշտապես բազմաթիվ վթարների պատճառ հանդիսացող ՀՀ Ազգային ժողովի շենքի ջեռուցման համակարգը, արտաքին ջերմագծերը եւ կաթսայատան որոշ սարքավորումներ։ Մրցույթի անցկացման փուլն ավարտված է, աշխատանքները շուտով կմեկնարկեն։

2.Ամբողջովին վերանորոգվում է կոռոզիայի ենթարկված եւ վնասված ինժեներական հանգույցներով վթարային շենք հիշեցնող 5 հարկանի ավտոկանգառի եւ տրանսպորտային միջոցների սպասարկման շենքը։ Ավտոկանգառը հնարավորություն կտա բեռնաթափել Դեմիրճյան փողոցը, որտեղ մեծաքանակ մեքենաների կանգառի պատճառով հաճախ խցանումներ են առաջանում։ Վերանորոգումը կավարտվի 10 օրից։ Նախատեսվում է նաեւ կառուցել նոր բացօթյա ավտոկանգառ։

3.Աշխատանքային ժամանակակից պայմաններ են ստեղծվում Փորձագիտական եւ վերլուծական վարչության համար։ Որպես վերլուծական կենտրոն ծառայելու համար նախատեսված այս միջավայրը հագեցած կլինի նորագույն տեխնիկական եւ ծրագրային միջոցներով։ Աշխատանքները սկսված են, ավարտը նախատեսվում է 2 ամսից։

4.Ստեղծվելու է էլեկտրոնային գրադարան, որտեղ հնարավոր կլինի օգտվել միջազգային եւ տեղական թվայնացված գրականությունից։ Տեխնիկական միջոցներն արդեն իսկ ապահովված են․ բանակցություններ են ընթանում էլեկտրոնային տարբեր գրադարանների նյութերի հասանելիության թույլտվության ստացման ուղղությամբ։

5.Իրականացվելու է ՀՀ Ազգային ժողովի առաջին մասնաշենքի դիմային մասի նորաոճ լուսավորում։ Արտաքին տեսքի դիզայնն արդեն որոշված է, եւ կազմված է նախահաշիվ։ Շուտով կհայտարարվի աշխատանքների իրականացման բաց մրցույթ։

2020թ․ համար ունենք եւս մի քանի ծրագիր, որոնք նոր ԽՆԱՅՈՂՈՒԹՅՈՒՆՆԵՐԻ միջոցով ստացված ֆինանսական միջոցների առկայության դեպքում նպատակադրված ենք անպայման իրականացնել։ Նշեմ նաեւ, որ ՀՀ Ազգային ժողովն իր բյուջեից (ի լրումն վերոնշյալի) արդեն իսկ խնայել եւ պետական բյուջե է փոխանցել 503 մլն ՀՀ դրամ»։

Այս թեմայով Ավինյանի որոշմամբ՝ Շենգավիթում 22 ավտոտնակ կքանդվի Պուտինը Տիգրան Քեոսայանին շնորհել է ՌԴ վաստակավոր արտիստի կոչում Ադրբեջանը փորձում է ճնշումը մեծացնել առաջնագծում. Տիգրան Աբրահամյան Ավինյանը հերթական խայտառակ որոշման նախագիծն է բերում առաջիկա նիստի օրակարգ. ավագանու անդամ «Է դուք էլ յոլա գնացեք». Ավինյանի թիմակիցը ծաղրում է երևանցիներին Տիգրան Մկրտչյանը հանդիպել է Հունաստանի խորհրդարանի կոմունիստական կուսակցության անդամ Լիանա Կանելլիի հետ Խնդիրը ԵՄ-ի կամ ԱՄՆ բարձրաստիճան պաշտոնյաները չեն, այլ այն, որ ՀՀ-ն ներկայացնում է մի անձ, ով այն վերածել է գեոպոլիտիկ սուբյեկտների պայքարի էպիկենտրոնի․ Տիգրան Աբրահամյան Վարչապետն ընդունել է մեծանուն բարերար Տիգրան Իզմիրլյանի որդուն՝ Սարգիս Իզմիրլյանին Հիմա էլ փորձում են համոզել, որ միակողմանի տարածքներ զիջելուց հետո Ադրբեջանը դուրս կգա ՀՀ-ի օկուպացված տարածքներից․ Տիգրան Աբրահամյան Ավինյանն ու թիմակիցները շարունակում են մոլորեցնել երևանցիներին