Տղամարդն, ում առևանգել են 32 տարի առաջ՝ մանուկ հասակում, վերամիավորվել է ծնողների հետ (տեսանյութ)

Չինաստանում ծնողները որոշել են գտնել իրենց որդուն, ում առևանգել են 1988 թվականին, Սիան քաղաքում: Մաո Ին անունով տղան ընդամենը 2.5 տարեկան էր, երբ նրան բաժանցին իր ծնողներից:

Ինչպես հայտնում է The Guardian, նա իր հայրիկի հետ մանկապարտեզից տուն է վերադառնալիս եղել, երբ մի պահ հայրը շեղել է ուշադրությունը, և փոքրիկին առևանգել են ու հանձնել Մյանյան քաղաքում ապրող մի զույգի: Այդ ընտանիքում նրան այլ անուն են տվել և տղան մեծացել է՝ ոչինչ չիմանալով իր իսկական ծնողների մասին:

Անհետ կորած տղայի մայրը՝ Լի Ցզինչժին, թողել է աշխատանքը և իրեն ամբողջությամբ նվիրել որդու որոնմանը: Նա նույնիսկ հեռուստատեսությամբ է խոսել իր երեխայի առևանգման մասին, օգնել է ուրիշներին գտնել իրենց կորած երեխաներին: Նշվում է, որ կնոջ շնորհիվ 29 կորած երեխա է հայտնաբերվել: Նշվում է, որ Մաո Ինը տեսել է Լի Ցզինչժինի մասնակցությամբ ռեպորտաժները և հիացել նրա նպատակասլացությամբ և քաջությամբ՝ չիմանալով, որ նա իր մայրն է:

Այս տարվա ապրիլի վերջին ոստիկանությունը տեղեկություն է ստացել 1980-ականներին վաճառված տղայի մասին: Օգտագործելով տղայի՝ տարիներ առաջ արված լուսանկարը՝ «ծերացրել» են նրան 32 տարով և համեմատել ստացված լուսանկարը տվյալների բազայի հետ: Շուտով ԴՆԹ փորձաքննությունը ցույց է տվել, որ Մաոն զույգի կորած որդին է:

34-ամյա տղամարդը վերջապես հանդիպել է իր իսկական ծնողների հետ: Այդ ողբերգական հանդիպումը ցուցադրել են հեռուստատեսությամբ:

Պարբերականի փոխանցմամբ՝ տղան մտադիր է վերադառնալ իր տուն, կարգավորել գործերը, ապա տեղափոխվել իր կենսաբանական ծնողների մոտ:

Այս թեմայով «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են Արմավիրի մարզում 2-ամյա երեխան սղարանից վայր է ընկել և հոսպիտալացվել Մանրամասներ` երրորդ հարկից ընկած երեխայի առողջական վիճակից «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա Ֆիլիպիններում մայրը կատու է կերել և մարդագայլի համախտանիշով երեխա լույս աշխարհ բերել Գանայում մայրը երեխային ողջ-ողջ թաղել է տան բակում, երեխան վեց ժամ անցկացրել է հողի տակ 2024թ-ի հունվար-փետրվարին ՀՀ-ում 563-ով ավելի շատ մարդ է ծնվել, քան մահացել Մարտ ամսին Գեղարքունիքի մարզում ծնվել է 88 երեխա 44 մարդ, այդ թվում 2 երեխա ծանր վիճակում են. ՌԴ ԱՆ