Չի հասկանում՝ սոված մարդիկ, Արցախը կորցնելու վտանգը, հիվանդներն ու դիակները եւ մաքսանենգ սիգարետները իրական են. Ենոքյան

Նա այդպես էլ չի հասկանում, որ սոված մարդիկ իրական են, Արցախը կորցնելու վտանգը իրական է, հիվանդներն ու դիակները իրական են, մաքսանենգ սիգարետները իրական են, եւ դրանից իրեն չեն փրկի ոչ կեղծ Լուսավորը, ոչ կեղծ տեռորիստ Ծռերը, ոչ էլ կեղծ ներ-քպական նեոհեղափոխականները։ Այս մասին ֆեյբուքյան իր էջում գրել է քաղաքագետ Աղասի Ենոքյանը:

Նա, մասնավորապես, գրել է.

«25 տարի առաջ աշխատում էի Չիկագոյի համալսարանում եւ դրանից 3 թաղամաս հեռու գտնվող բարը համարվում էր ամերիկյան դիսիդենտների հավաքավայրը։ Հաճախ էինք գարեջուր խմում (մի գրաֆինը $5՝ ֆանտաստիկ գին!) երիտասարդ միջազգայնագետներով, զրուցում, վիճում։ Մի ածխասեւ ընկեր ունեի Հայիթիից՝ Էրվեն, ում հետ ամենից հաճախ էինք այնտեղ հանդիպում։ Նա հաճախ էր ինձանից սիգարետ թռցնում, բայց ինքն էլ միշտ գիտեր, թե որտեղ են քամփուսում լավագույն party-ները։ Մի օր Էրվեն ասաց, որ գալու է ընկերուհու հետ, ում մտերմության համար երկար պայքարել էր։ Էրվեն եկավ՝ քթի տակ անընդհատ ”f.․k, f..k, f..k” հայհոյելով աղջկան։ Բացատրեց, որ աղջիկը խզել է կապեր իր հետ եւ հայտարարել․ “You’re not black enough” (Դու բավականաչափ սեւ չես)։

Նոր Հայաստանում անընդհատ ինչ-որ ընդդիմությունների նախագծեր են կազմվում Նիկոլի կողմից։ Զարմանալին այն է, որ այս բազմաթիվ պոտենցիալ ընդդիմությունները իրենց «հականիկոլականությունը» նրա հասցեին նույն հանդիմանանքի մեջ են փաթեթավորում․ «Դու բավականաչափ հեղափոխական չես»։ Թեեւ սա հիմար ձեւակերպում է, սակայն Նիկոլի համար օգտակար է ու հարմար։ Նման «ընդդիմության» պահանջներին «ենթարկվելով» նա կարող է դիմել հակաիրավական գործողությունների, բռնաճնշումների, մտնի կեղծ օրակարգերի մեջ։ Մյուս կողմից էլ, սրանք երբեւէ չեն կարող դուրս գալ իր վերահսկողության տակից, քանի որ պտտվում են իր ստեղծած ֆեյք հեղափոխության շուրջ եւ ուզում են լինել ֆեյքի ֆեյքը` «ավելի հեղափոխական»։ Ավելին, Նիկոլը հույս ունի սրանցով լցնել ընդդիմադիր դիսկուրսը, քանի որ անվտանգ են, պահանջածներն էլ քաղաքականության նկատմամբ ավելի քրեական մոտեցումներն են, քան Նիկոլը ունի, եւ սրանք երբեք չեն պահանջի իրական բարեփոխումներ։

Հիմա նկատվում է, որ Նիկոլը 2-3 ուղղությամբ է ընդդիմություններ սարքում, էլի հերթական թիթեռն է նկարում։ Նա այդպես էլ չի հասկանում, որ սոված մարդիկ իրական են, Արցախը կորցնելու վտանգը իրական է, հիվանդներն ու դիակները իրական են, մաքսանենգ սիգարետները իրական են, եւ դրանից իրեն չեն փրկի ոչ կեղծ Լուսավորը, ոչ կեղծ տեռորիստ Ծռերը, ոչ էլ կեղծ ներ-քպական նեոհեղափոխականները։

Տղաներ եւ աղջիկներ, միեւնույն է, ձեզանից ընդդիմություն չի ստացվի, դուք բավականաչափ «Սեւ» չէք»։

Այս թեմայով «Նիկոլ, շուտ արա, դուրս արի, թե չէ ԼՏՊ-ի օրին ես հայտնվելու». Աղասի Ենոքյան «Կրկին ակտիվացել են «անկլավների» մասին խոսակցությունները». Աղասի Ենոքյան «Համբերատար սպասում են՝ երբ է Նիկոլը հանձնելու Հայաստանի տարածքները, որից հետո կլինեն նոր ընտրություններ․․․»․ Աղասի Ենոքյան «Նիկոլը 6 ամիս ժամանակ էր խնդրում Ադրբեջանի համար, Ադրբեջանի բանակի վերականգնման համար, Սյունիքը հանձնելու համար»․ Աղասի Ենոքյան Երբ Թուրքիայի ջանքերով ամբողջովին փլուզված է մեր անվտանգության եւ պետական համակարգը, հաշտության շանս չկա․ Աղասի Ենոքյան Բացվել է լկտի ընտրական խախտումների էջը․ Աղասի Ենոքյան Չի բացառվում, որ հենց Նիկոլն է խնդրել Իլհամին գերիներին որոշ ժամանակ պահել իր մոտ. Աղասի Ենոքյան Նիկոլին պետք է իր կողմից մանիպուլացվող Գլխավոր Շտաբ, և նրա սադրանքը հենց դրան էր ուղղված. Աղասի Ենոքյան Նիկոլի ելույթը հրապարակային բազար էր. Աղասի Ենոքյան ԱԺ-ն, Կառավարությունը, մանիպուլյացիաների միջոցով ձևավորվել են թուրքական հատուկ ծառայությունների կողմից. Աղասի Ենոքյան