Նոր նշանակում՝ Լոռու մարզպետարանում
ՔաղաքականԼոռու մարզպետարանի գլխավոր քարտուղարի հրամանով Հերմինե Գասպարյանը նշանակվել է մարզպետարանի զարգացման ծրագրերի, զբոսաշրջության և վերլուծության բաժնի պետ:
«Ղեկավարվելով «Քաղաքացիական ծառայության մասին» Հայաստանի Հանրապետության օրենքի մի շարք հոդվածներով և այլ իրավական ակտերով և հիմք ընդունելով մրցութային հանձնաժողովի կողմից տրված եզրակացությունը՝ Լոռու մարզպետարանի գլխավոր քարտուղարի հրամանով Հերմինե Գասպարյանը նշանակվել է Լոռու մարզպետարանի զարգացման ծրագրերի, զբոսաշրջության և վերլուծության բաժնի պետի պաշտոնում»,- հայտնում են Լոռու մարզպետարանից:
Կենսագրություն
Ծնվել է 1989 թ. հունվարի 8-ին Վանաձոր քաղաքում:
Կրթություն
1995-2005թթ սովորել է Վանաձորի թիվ 19 միջնակարգ դպրոցում
2005-2009թթ սովորել և գերազանցությամբ ավարտել է Վանաձորի պետական մանկավարժական ինստիտուտի Տարրական կրթության մանկավարժություն և մեթոդիկա բաժինը:
2009-2011թթ. սովորել և գերազանցությամբ ավարտել է Վանաձորի պետական մանկավարժական ինստիտուտի Կրթության կազմակերպում բաժինը՝ ստանալով մագիստրոսի որակավորում:
Մասնակցել է 3 տասնյակից ավելի վերապատրաստման ծրագրերի և ստացել համապատասխան հավաստագրեր։
Կամավորական աշխատանք
2007-2010թթ․ հանդիսացել է «Քաղաքացիական երկխոսություն և գործնական քայլեր» ուսանողական ծրագրային թիմի անդամ:
2009-2011թթ. հանդիսացել է ՎՊՄԻ Մանկավարժության ֆակուլտետի Ուսանողական խորհրդի նախագահ:
2010-2012թթ․ հանդիսացել է Վանաձորի երիտասարդական բանկի անդամ:
Աշխատանքային գործունեություն
2011-2015թթ. աշխատել է «ՀԿ Կենտրոն» Քաղաքացիական հասարակության զարգացման կազմակերպությունում՝ որպես․
● 2011-2012թթ. - Եվրասիա համագործակցություն հիմնադրամի կողմից ֆինանասավորվող «Վանաձոր Ինֆոտուն» ծրագրի համակարգող
● 2012-2014թթ. - Քաունթերփարթ Ինթերնեշնլ միջազգային կազմակերպության կողմից ֆինանասավորվող «Քաղաքացիական հասարակության և տեղական ինքնակառավարման աջակցության» ծրագրի Լոռու և Տավուշի մարզերի համակարգող
● 2013-2015թթ. - ՄԱԿ-ի Զարգացման ծրագրերի Գլոբալ Էկոլոգիական հիմնադրամի կողմից ֆինանսավորվող «Հզորացված ՔՀԿ-ները հանուն կայուն բնապահպանության» ծրագրի համակարգող։
2015-2016թթ. աշխատել է Առաքելություն Հայաստան բարեգործական հասարակական կազմակերպությունում՝ որպես ԱՄՆ ՄԶԳ կողմից ֆինասավորվող «Աջակցություն Հայաստանի սոցիալական ոլորտի բարեփոխումներին» ծրագրի Լոռու մարզի համակարգող։
2016թ․ ապրիլ-սեպտեմբեր ամիսներին աշխատել է Հելսինկյան քաղաքացիական ասամբլեայի Վանաձորի գրասենյակում՝ որպես Ազգային ժողովրդավարության ինստիտուտի (NDI) կողմից ֆինանսավորվող «Գենդերային գործոնի ուսումնասիրություն Վանաձորի սպորտդպրոցների բյուջետավորման մեջ» ծրագրի օգնական։
2016-2018թթ. աշխատել է «ՀԿ Կենտրոն» Քաղաքացիական հասարակության զարգացման կազմակերպությունում՝ որպես․
● 2016-2018թթ. - Եվրասիա համագործակցություն հիմնադրամի կողմից ֆինանսավորվող «Հանրային մասնակցությունը տեղական ինքնակառավարմանը» ծրագրի ղեկավար
● 2016-2017թթ. - ԱՄՆ ՄԶԳ-ի կողմից ֆինանսավորվող «ՀԿ ծառայություն մատուցող կազմակերպությունները հանուն քաղաքացիական հասարակության զարգացման» ծրագրի համակարգող
● 2017թ. հունիս-հոկտեմբեր ամիսներ - Չեխիայի դեսպանատան կողմից ֆինասավորվող «Եղի՛ր տեղեկացված և պաշտպանի՛ր քո կյանքը» ծրագրի համակարգող։
2018-2019թթ․ աշխատել է Հայաստանի մանուկներ հիմնադրամում՝ որպես ՔՈԱՖ ՍՄԱՐԹ կենտրոնի գրադարանի և ռեսուրս կենտրոնի, սոցիալական մեդիայի, նախագծահեն ուսուցման համակարգող։
2020թ․ մարտ-մայիս ամիսներին աշխատել է «Իրազեկ քաղաքացիների միավորում» ՀԿ-ում ՝ որպես ԱՀ համապետական ընտրությունների կարճաժամկետ դիտորդական առաքելության ղեկավար։
Այլ մասնագիտական գործունեություն
2012 թվականից ի վեր վարում է դասընթացներ Մեդիագրագիտության, Կարիքի գնահատման, Ծրագրերի նախագծման և կառավարման, Ռազմավարական պլանավորման, ՏԻՄ և մասնակցային կառավարման, Հաղորդակցման և հանրային կապերի և այլ թեմաներով։
2017 թվականից ներգրավված է եղել «Անկախ դիտորդ» հասարակական դաշինքի կողմից իրականացված դիտորդական առաքելությունների մեջ՝ որպես դիտորդների դասընթացավար:
2019 հուլիսին դասավանդել է ՀԿ Կենտրոնի Ապագա Ավագանի դպրոցում։
2019թ․ հոկտեմբեր-նոյեմբեր ամիսներին հանդիսացել է ԿԳՄՍ նախարարության կողմից կազմակերպվող Երիտասարդական աշխատողների վերապատրաստման ծրագրի դասընթացավար։
2019թ․նոյեմբեր-դեկտեմբեր ամսիներին ՄԱԿ-ի զարգացման ծրագրի «Ապագայի հմտություններ» ծրագրում ներգրավված է եղել որպես մարզային Foresight քննարկումների մոդերատոր։
Երկու գիտական, երեք հետազոտական հոդվածների հեղինակ է, չորս հետազոտական զեկույցների համահեղինակ։
2020թ. մայիսի 21-ին նշանակվել է ՀՀ Լոռու մարզպետարանի զարգացման ծրագրերի, զբոսաշրջության և վերլուծության բաժնի պետ:
Անկուսակցական է:
Ամուսնացած է, ունի մեկ երեխա: