Բորիս Ջոնսոնի՝ կորոնավիրուսի ախտանիշներ ունեցող խորհրդականը խախտել է ինքնամեկուսացման ռեժիմը․ Guardian
ԱշխարհՄեծ Բրիտանիայի վարչապետի խորհրդական Դոմինիկ Քումինգսը խախտել է ինքնամեկուսացման ռեժիմը՝ չնայած նոր կորոնավիրուսային վարակի ախտանիշներին, գրում է Guardian թերթը: Մարտի վերջին հաղորդվեց, որ Մեծ Բրիտանիայի վարչապետ Բորիս Ջոնսոնի գրասենյակի մի շարք աշխատակիցներ, որոնք վարակվել էին կորոնավիրուսով, ինքնամեկուսացվել են: Նրանց թվում էր խորհրդական Քումինգսը, ով հիվանդության մեղմ ախտանիշեր ուներ: Հետաքննության արդյունքում բրիտանական Guardian և Mirror բրիտանական թերթերը պարզել են, որ ինքնամեկուսացման ընթացքում Քումինգսը լքել է իր տունը Լոնդոնում և 400 կմ հեռացել է՝ մեկնելով Դուրհամ քաղաք, որտեղ բնակվում են նրա ծնողները: Այնտեղ նա աննկատ չի մնացել, և մարտի 31-ին տեղական ոստիկանության բաժնում բողոք է ստացվել նրա՝ կարանտինի հնարավոր խախտման մասին:
Ըստ ոստիկանության, իրավապահները կապ են հաստատել բողոքի մեջ նշված հասցեում բնակվող մարդկանց հետ։ Նրանք հաստատել են, որ տվյալ անձը «գտնվում է այնտեղ և ինքնամեկուսացված է»: Սպաները Քումինգսի ընտանիքի անդամներին բացատրել են ինքնամեկուսացման սկզբունքները և արգելել նրան փոխել բնակության վայրը։