Ցավոք Նոյեմբերյանում վարակվածների թիվը գնալով ավելանում է․ համայնքապետարան

Նոյեմբերյանում կորոնավիրուսի դեպքեր են գրանցվել։ Այս մասին տեղեկանում ենք համայնքապետարանի ֆեյսբուքյան էջում տեղադրված հայտարարությունից, որում մասնավորապես ասվում է․

«Սիրելի՛ բնակիչներ,

Աշխարհին պատուհասած համավարակից խուսափել չհաջողվեց. կորոնավիրուսը Նոյեմբերյանում է։ Ցավոք, հաստատված դեպքերի թիվն օրեցօր ավելանում է։ Ակտիվ աշխատանքներ են տարվում վարակակիրների շփման շրջանակը պարզելու ուղղությամբ, այս պահին կան մեկուսացված մի քանի ընտանիքներ։ Անուններ չենք նշի, բայց կարծում ենք՝ բոլորդ էլ գիտեք, թե ովքեր են վարակակիրների թվում, ուստի կոչ ենք անում վերջիններիս հետ շփված լինելու դեպքում ինքնամեկուսանալ և կանխել վարակի տարածումը։

Ինչպես բազմիցս նշել ենք, այս հիվանդության ամենախոցելի թիրախը տարեցներն են։ Բացառեք ձեր ընտանիքի 65 և ավելի տարեկան անդամների՝ տանից դուրս գալը։ Եթե ունեք միայնակ ապրող տարեց հարևաններ, հնարավորության սահմաններում օգնեք նրանց կամ տեղեկացրեք մեզ։

Սիրելի՛ բնակիչներ, ստեղծված իրավիճակում խուճապը միայն կարող է խանգարել. վախենալ պետք չէ, ուղղակի պետք է ավելի զգոն լինել, աչալուրջ, խստագույն կերպով հետևել պարետի ցուցումներին, անպայման կրել պաշտպանիչ դիմակ և ձեռնոցներ, պահպանել ֆիզիկական հեռավորությունը։

Ի վերջո, սահմանին ապրող հային ի՞նչը կարող է վախեցնել. սա ուղղակի հերթական փորձություն է, որը պետք է միասին ու պատվով հաղթահարենք։

Առողջություն ենք մաղթում բոլորիդ»։

Այս թեմայով Նոյեմբերյան քաղաքում այսօր տեղի ունեցած տեսանյութի կադրերում 2 հիմնական էլեմենտ է աչքի ընկնում․ Տիգրան Աբրահամյան Նոյեմբերյան-Ոսկեպար ճանապարհին իրավիճակը շարունակում է լարված մնալ (տեսանյութ) ՃՏՊ Իջևան-Նոյեմբերյան ավտոճանապարհին․ կա տուժած Իջևան-Նոյեմբերյան ավտոճանապարհին մեքենան բախվել է հողաթմբին ու կողաշրջվել․ կան տուժածներ Տավուշի մարզի Նոյեմբերյան համայնքի Բաղանիս բնակավայրում գործարկվելու է էլեկտրական շչակ Լոռու, Գեղարքունիքի մարզերի մի շարք բնակավայրերի, Նոյեմբերյան, Վանաձոր քաղաքների որոշ հասցեների գազամատակարարումը կդադարեցվի «ՎԱԶ 2106»-ը Իջեւան-Նոյեմբերյան ճանապարհին ընկել է առվի մեջ. կան վիրավորներ Իջևան-Նոյեմբերյան ավտոճանապարհին «Honda»-ն ընկել է ձորը Նոյեմբերյան-Ոսկեպար ավտոճանապարհին ավտոմեքենա է այրվել. վարորդը հոսպիտալացվել է Ոսկեպար-Նոյեմբերյան միջպետական ավտոճանապարհը ժամանակավորապես փակ է լինելու