Կալիֆորնիայի նահանգապետը մերժել է Համբիկ Սասունյանի ազատ արձակման որոշումը

Կալիֆորնիայի նահանգապետ Գևին Նյուսոմը մերժել է բանտարկյալների ներման դիմումները քննող խորհրդի՝ Համբիկ Սասունյանին ազատ արձակելու որոշումը:

Այս մասին գրել է  «Ասպարեզ»-ը:

Նահանգապետի համոզմամբ՝ Սասունյանը չի կարողացել բավարար ժամանակում ապացուցել, որ ձեռք է բերել անհրաժեշտ հմտություններ, որոնք կարող է կիրառել կյանքում:

«Մտահոգված եմ, որ Սասունյանը շարունակաբար թերագնահատում է իրենից պահանջվող աչալրջությունը, ներկայում և ապագայում՝ հետևողականորեն գործելու օրենքի պահպանման և նույնիսկ անուղղակիորեն բռնություն հրահրելուց խուսափելու վարքագծով»,-ասվում է նամակում:

Նյուսոմը եզրափակել է իր որոշումը՝ նշելով, որ քննել է պետք արձանագրված փաստերը: «Համոզված եմ, որ Սասունյանը հավելյալ աշխատանք պետք է կատարի ազատ արձակվելուց առաջ: Կարծում եմ, որ նա դեռևս վտանգավոր է հասարակության համար: Եթե նա ազատ արձակվի, ես կբեկանեմ խորհրդի որոշումը»,-շեշտել է նահանգապետը:

Նահանգապետի որոշումից հետո Սասունյանի պաշտպանական թիմի խոսնակն «Ասպարեզ»-ին հայտնել է, որ մեծապես հիասթափված են Նյուսոմի որոշումից:

«Բանտում անցկացրած տարիներին Համբիկն արել է ամեն ինչ իր վարքագիծը լավացնելու համար  և դարձել է օրինակելի բանտարկյալ:  Դա փաստ է, որն անգամ նահանգապետն է ընդունել: Հուսանք, որ ինչպես նախկինում նահանգապետը տեղի չի տվել թուրքական  կառավարության ճնշումներին՝ Սպիտակ տունն օգտագործելով իր նպատակների համար»,-հավելել է խոսնակը:

Ըստ խոսնակի՝ բանտարկյալների ներման դիմումները քննող խորհուրդը պետք է շարունակի աշխատանքը և փորձի այլ ճանապարհներ գտնել Սասունյանին ազատ արձակելու համար:

Համբիկ Սասունյանը ցմահ ազատազրկման էր դատապարտվել 1982 թվականին Լոս Անջելեսում Թուրքիայի գլխավոր հյուպատոսի սպանության համար:

Այս թեմայով Վահագն Խաչատուրյանը շնորհավորական ուղերձ է հղել Նոր Զելանդիայի գեներալ-նահանգապետ Սինդի Կիրոյին ՀՀ նախագահը շնորհավորել է Ավստրալիական միության Գեներալ-նահանգապետ Դեյվիդ Ջոն Հըրլիին Չգիտենք ինչ անենք, որ երկիրը փրկենք, ոչ միայն Արցախի, այլև` Հայաստանի համար եմ վախենում. Սասունյան ՄԱԿ-ում Հայաստանի ապաշնորհ գործողություններն ավելի շատ վնաս տվեցին, քան օգուտ. Հարութ Սասունյան «Վագներ»-ի տեխնիկայով շարասյունը դուրս է եկել Դոնի Ռոստովից. Ռոստովի նահանգապետ Ֆլորիդայի նահանգապետ Դեսանտիսը 24 ժամում 8.2 միլիոն դոլար է հանգանակել նախընտրական արշավի համար Հայաստանի վարկանիշը բարեկեցության ցուցակում ավելի բարձր է, քան Ադրբեջանինը և Թուրքիայինը․ Սասունյան ԱՄՆ պետդեպարտամենտը քննադատական զեկույց է հրապարակել ՀՀ-ում մարդու իրավունքների մասին. Սասունյան Երբ Ադրբեջանը լայն բացում է իր քսակը, փողասերները շտապում են վերցնել իրենց բաժինը․ Հարութ Սասունյան Թուրքական վարչակարգի «երկար ձեռքը». ե՞րբ է աշխարհը վերջ դնելու Թուրքիայի ոճիրներին. Հարութ Սասունյան