Արցախի ԱԺ նախագահը շնորհավորական ուղերձներ է ստացել

Արցախի Հանրապետության Ազգային ժողովի նախագահ Արթուր Թովմասյանին պաշտոնը ստանձնելու կապակցությամբ շնորհավորական ուղերձ է հղել Արցախի թեմի առաջնորդ Պարգև Արքեպիսկոպոս Մարտիրոսյանը: Ինչպես հայտնեցին Արցախի Հանրապետության Ազգային ժողովի լրատվության և հանրության հետ կապերի բաժնից, ուղերձում մասնավորապես ասվում է.

«Ձերդ Վսեմություն,

Վստահ եմ, որ Ձեր բազում տարիների կուտակած քաղաքական փորձը և գիտելիքները ամբողջովին ի սպաս կդնեք օրենսդիր դաշտի էլ ավելի կատարելագործմանը, ինչն իր հերթին նպաստավոր կդառնա մեր երկրի բարգավաճմանն ու անվտանգությանը»:

Ֆրանսիայում Հայաստանի Հանրապետության դեսպան Հասմիկ Տոլմաջյանը ևս շնորհավորել է 7-րդ գումարման ԱԺ նորընտիր նախագահին.

«Հարգելի պարոն Թովմասյան,

Ֆրանսիայում Հայաստանի Հանրապետության դեսպանության և անձամբ իմ անունից ջերմորեն շնորհավորում եմ Ձեզ Արցախի Հանրապետության Ազգային Ժողովի նախագահի պաշտոնում ընտրվելու կապակցությամբ:

Հաջողություն մաղթելով Ձեզ այս պատասխանատու պաշտոնում՝ համոզված եմ, որ ջանք և եռանդ չեք խնայի՝ ի նպաստ Արցախի Հանրապետության խաղաղ, անվտանգ և ապահով զարգացման:

Ընդունեք խնդրեմ, հարգելի պարոն Թովմասյան, խորին հարգանքիս հավաստիքը»,- ասված է ուղերձում:

Նորընտիր ԱԺ նախագահը շնորհավորական ուղերձներ է ստացել նաև ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանից և ՀՀ ԱԺ անկախ պատգամավոր Տիգրան Ուրիխանյանից:

Այս թեմայով «Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Արցախի պողոտայի վթարային շենքի բնակիչները նոր բնակարաններ ունեն Մեկնարկել է ««Կծեգ» Արցախի բարբառների հանրահռչակում» ծրագիրը Արցախի ռազմաքաղաքական ղեկավարները Բաքվի բանտերում են, բայց իրենց մասին ԱԳՆ-ում չեն խոսում ԵՄ-ն Բաքվին պետք է հասցնի ուղերձներ առ այն, որ չի հանդուրժի հատկապես խաղաղ բնակիչների թիրախավորումը Ալեն Սիմոնյանի շնորհավորական ուղերձը Մայրության եւ գեղեցկության տոնի առթիվ Արցախի պատգամավորներին կշտամբել եմ ու ասել՝ Արցախի խնդիրը փոխզիջումների հիման վրա պետք է լուծվի Լինելու են բոլոր մարզերում. ի՞նչ են քննարկում Արցախի պատգամավորները բռնի տեղահանված արցախցիների հետ. «Փաստ» «Մոբայլ Սենթր»-ում Արցախի ԱԱԾ-ի աշխատակիցը սպանել է իր քենուն, ապա ինքնասպան եղել