Անորոշություն, հակասություններ, զավեշտալի դեպքեր. շտապօգնության բժիշկն աշխատանքային առօրյայից է պատմում

Բժշկակական ոլորտում կան բազմաթիվ խնդիրներ, մինչդեռ ռեսուրսնների զգալի մասը օգտագործվում են մի վիրուսի դեմ, որի մասին գրեթե ոչինչ չգիտենք, չունենք ստույգ ինֆորմացիա, բուժման մեթոդներ: ԼՈՒՐԵՐ.com-ի հետ զրույցում ասաց Մասիսի շտապօգնության բժիշկ Դավիթ Գալստյանը:

«Կորոնավիրուսը մյուս ինֆեկցիոն հիվանդություններից մեկն է և չի կարող լինել մյուսներից առավել: Վստահեցնում եմ՝ կան ավելի վտանգավոր վիրուսների տեսակներ: Կորոնավիրուսի հետ կապված հարցերը չափից շատ են, անորոշությունն է մեծ: Պատկերացրեք, մեր աշխատանքի ընթացքում խիստ տարօրինակ դեպքերի ենք հանդիպում, օրինակ՝ ընտանիքի անդամներից մեկը վարակվում է, մյուսները՝ ոչ և սա այն դեպքում, երբ արտակարգ դրություն է, տանից ոչ ոք դուրս չի եկել, հյուրեր ևս չեն ընդունել: Կամ, երբ մարդու թեստի պատասխանը մի օր դրական է, հաջորդ օրը՝ բացասական, հետո նորից դրական»,-ասաց նա:

Բժշկի խոսքով՝ այս մի քանի ամիսների ընթացքում նման հակասական հարցադրումներ իրենց մտքում հաճախ են ծագում:

«Իրականում, կորոնավիրուսի մասին ինֆորմացիան չափազանց քիչ է, բայց մատուցվում է չափազանցված ու նաև սխալ: Կարծում եմ՝ մեր հասարակությունը չի սիրում պարտադրանք, եթե մի բան պարտադրվում է՝ հավանականությունը, որ այն չի կատարվի՝ շատ ավելի մեծ է: Մյուս կողմից չմոռանանք նաև հակասությունների մասին, որոնց բախվում ենք: Ամենապարզ օրինակը, երբ ասվում էր, որ դիմակը չի օգնում վիրուսից պաշտպանվելու համար, ապա՝ պարտադրվում է, նույնիսկ տուգանքներ են հասնում չկրողներին: Եվ սովորական մարդիկ չեն հասկանում՝ որն է ճշմարտությունը, ինչու է պետության մոտեցումը հարցին հաճախ փոփոխվում»,-ընդգծեց բժիշկը:

Անդրադարձանք նաև այն հարցին, թե այս ընթացքում որքանո՞վ են ավելացել շտապօգնության կանչերը, որին բժիշկ Գալստյանը պատասխանեց. «30 կանչից 25-ը՝ ջերմության պատճառով է, որը զուգորդվում է խուճապով և քաղաքացիներն անմիջապես ասում են, որ իրենց պետք է թեստավորել, թեպետ, ջերությունից բացի, այլ գանգատներ չունեն: Սա ևս սխալ իֆորմացիայի պատճառով է: Բոլորը գիտեն, որ կորոնավիրուսի առաջնային նշանը ջերմությունն է ու ջեմության դեպքում, այլևս չեն մտածում, որ գուցե մրսել են»:

Բժիշկը պատմեց, որ աշխատանքի ընթացքում հանդիպում են զավեշտի և աբսուրդի հասնող իրավիճակների, երբ քաղաքացին իմանալով, որ իրեն մեկուսացնելու են Վանաձորում և ոչ Ծաղկաձորում՝ հրաժարվում է գնալ:

«Մաիսի քաղաքի շտապօգնությունն ունի 3 մեքենա, որից 2 զբաղված են հաստատված դեպքերն այլ վայրեր տեղափոխելով, իսկ 1 մեքենան սպասարկում է Մասիս քաղաքը և հարակից 28 գյուղերը: Ազնվորեն, սա աբսուրդ է: Մեկ մեքենան, մեկ անձի տեղափոխում է  Ծաղկաձոր և վերադառնում կամ հիվանդին տանում թեստավորման, հետ բերում»,-սրտնեղեց բժիշկը:

Նա նաև հիշեցրեց, օրեր առաջ ֆեյսբուքում և մամուլում լայն տարածում ստացած մի լուսանկարի մասին, որն արվել է Նորքի ինֆեկցիոն հիվանդանոցի դիմաց. «Բարկացա այդ լուսանկարի տակ մեկնաբանությունները տեսնելով, քանի որ գիտեմ՝ մարզերից հիվանդներին բերում են, սպասում, որպեսզի թեստը հանձնի, ապա հետ տանում մարզ: Իսկ այդ նկարը խուճապի պատճառ դարձավ: Տեղին կլիներ շրջիկ լաբորատորիա ունենալը, քանի որ մյուս հիվանդությունները ու դժբախտ պատահարները չեն վերացել: Դրանք կան՝ ինչպես նախկինում: Բայց, ցավոք, չունենք տվյալներ, թե այլ հիվանդություններից, այս երեք ամիսների ընթացքում քանի մարդ է մահացել: Գուցե թվերը  ավելի աղետալի են, քան կորոնավիրուսով պայմանավորված մահվան թվերը»:

Այս թեմայով Հիվանդանոց տեղափոխվելիս շտապօգնության ավտոմեքենայում մահացել է Կապանի թիվ 3 միջնակարգ դպրոցի զինղեկը Եղբայրները սպառնացել, ազատությունից ապօրինի զրկել են շտապօգնության աշխատակիցներին․ մանրամասներ Երևանում բախման հետևանքով շտապօգնության ավտոմեքենա է կողաշրջվել Լեռնապարում շտապօգնության ավտոմեքենան չի կարողացել մոտենալ կանչի վայր․ օգնության են հասել փրկարարները Շտապօգնության աշխատակիցների վրա դանակով հարձակված եղբայրները կալանավորվել են Երևանում թալանել են հիվանդին օգնության մեկնող բժշկին՝ շտապօգնության մեքենայից կատարելով գողություն Երևանում շտապօգնության մեքենան բախվել է այլ մեքենաների, 6 վիրավոր կա. Shamshyan Ավինյանը՝ շտապօգնության բժիշկներին բռնության ենթարկելու դեպքերի մասին Առաջիկայում նախատեսվում է շտապօգնության ծառայություն մատուցել նաև մոպեդներով Շտապօգնության բժիշկների նկատմամբ բռնություն կիրառած եղբայրները ձերբակալվել են