Այս տուգանքները միտում ունեն քաղաքացիների միջոցների հաշվին լցնել պետական բյուջեն. Սերգեյ Սաժումյան

Ֆեյսբուքյան օգտատեր Սերգեյ Սաժումյանն իր էջում գրում է.

«Այսօր տուգանվել եմ, սակայն այդ տուգանքի օրինականության վրա խստիվ կասկածում եմ:
Հարցը կայանում է նրանում, որ ՀՀ Պարետի 25.05.2020 թվականի թիվ 92 որոշման համաձայն՝ «Պարետի՝ 2020 թվականի մայիսի 3-ի թիվ 63 որոշման մեջ լրացումներ և փոփոխություններ կատարելու մասին որոշման 5-րդ կետը շարադրվել է հետևյալ խմբագրությամբ. սահմանել, որ ՀՀ տարածքում պարտադիր է հանրային բաց վայրերում դիմակի առկայությունը, իսկ անձնական օգտագործման մարդատար և բեռնատար տրանսպորտային միջոցներում՝ դիմակը կրելը, եթե վարորդից բացի մեքենայում առկա է առնվազն մեկ ուղևոր»:

Հիմա մեջբերում եմ Հայաստանի Հանրապետության ոստիկանության «ճանապարհային ոստիկանություն» ծառայության վարչական իրավախախտման գործի վերաբերյալ հաստատված հանգամանքի շարադրանքը. «Վարորդը անձնական մարդատար ավտոմոբիլով ուղևորի առկայությամբ դիմակը կրում էր ձեռքին»:
Ըստ ՀՀ ոստիկանության «ճանապարհային ոստիկանություն» ծառայության տեսուչի կատարել եմ արարք նախատեսված Վարչական իրավախախտումների վերաբերյալ ՀՀ օրենսգրքի 182.3-րդ հոդվածով:
Ես՝ որպես օրինապաշտ վարորդ և օրինապաշտ քաղաքացի, կատարել եմ ՀՀ Պարետի վերը նշված որոշման պահանջները, քանի որ որոշման մեջ հստակ ասվում է՝ պետք է կրել դիմակ, ինչը ես արել եմ (տե՛ս՝ ՀՀ ոստիկանության «ճանապարհային ոսռիկանություն» ծառայության վարչական իրավախախտման գործի վերաբերյալ հաստատված հանգամանքի շարադրանքը):

Հետևաբար կարծում եմ, որ այս տուգանքները միտում ունեն քաղաքացիների միջոցների հաշվին լցնել պետական բյուջեն, քանի որ անօրեն գործունեության արդյունքում քաղաքացիները դարձել են տուգանվելու մատերիալ (հումք):

Տպավորություն է ստեղծվում, որ ՀՀ Ոստիկանությունը՝ հանձինս ՀՀ ոստիկանապետ Ա.Սարգսյանի, կարգ ու կանոնը պահելու փոխարեն զբաղվում է շոուներով:

Ի դեպ հիշենք մեր ԱՀԱՎՈՐ ԽԵԼԱՑԻ ՀՀ առողջապահության նախարար Ա.Թորոսյանի մարտի 19-ին կայացած մամուլի ասուլիսի ընթացքում կատարած հայտարարությունը. «Սովորական դիմակները շնչելիս վիրուսից չեն պաշտպանում: Վիրուսը շատ ավելի փոքր է, քան այդ դիմակների մեջ եղած անցքերը»։

Այսպիով, պատրաստվում եմ երկուշաբթի բողոքարկել ՀՀ ոստիկանության «ճանապարհային ոստիկանություն» ծառայության 30.05.2020 թվականի թիվ 00244-9 որոշումը»:

Այս թեմայով Հնդկաստանի Նոիդա քաղաքում կցուցադրվի Սերգեյ Փարաջանովի «Նռան գույնը» ֆիլմը Սերգեյ Ասատուրովի խափանման միջոցը փոխվեց Ընթանում է Լեւոն Քոչարյանի եւ Սերգեյ Ասատուրովի գործով դատական նիստը ՅՈՒՆԵՍԿՕ-ի կենտրոնակայանում բացվել են Սերգեյ Փարաջանովի 100-ամյակին նվիրված հոբելյանական ցուցադրությունները «Նռան գույնը» ֆիլմով ՅՈՒՆԵՍԿՕ-ի կենտրոնակայանում մեկնարկել են Սերգեյ Փարաջանովի 100-ամյակին նվիրված հոբելյանական միջոցառումները Լեռնային Ղարաբաղ հայերի վերադարձի հարցը կարևոր է Ռուսաստանի համար. ՀՀ–ում ՌԴ դեսպան Հատկացումներ՝ Սերգեյ Փարաջանովի և Շառլ Ազնավուրի ծննդյան 100-ամյակների հոբելյանական միջոցառումների պատշաճ կազմակերպմանը «Սիրելի հայեր, ամեն ինչ ձեզ համար է»․ Սերգեյ Լազարևը կատարել է «Ճերմակ գիշեր» երգի հայերեն տարբերակը (տեսանյութ) Կայացավ «Նռան գույնը» ներկայացման երևանյան առաջնախաղը՝ նվիրված Սերգեյ Փարաջանովի 100-ամյակին Դադարել են դատավորներ Կարեն Մարդանյանի և Սերգեյ Մարաբյանի լիազորությունները