Փաշինյանի վարակված լինելուն չեն հավատում, իսկ թեստի պատասխանը գաղտնի է պահվում

Այսօր առավոտյան վարչապետ Նիկոլ Փաշինյանն ուղիղ եթերում հայտնեց, որ իր և ընտանիքի մյուս անդամների կորոնավիրուսի թեստերի պատասխանները դրական են և նրանք, չնայած որևէ գանգատ չունեն, փաստորեն վարակակիր են: 

Այս լուրը կարծիքների բախում առաջացրեց հանրության մոտ: Վարչապետի ընտանիքին առողջություն մաղթողներից բացի, եղան նաև մարդիկ, որոնք կասկածեցին Փաշինյանի հայտարարության ճշմարտացիության վրա: Նրանց մեծ մասը պնդում է, որ սա հերթական սուտն է, գուցե նաև հանրությանը սթափեցնելու հերթական միջոցը:

ԼՈՒՐԵՐ.com-ի թղթակիցը վարչապետի խոսնակ Մանե Գևորգյանից փորձեց ստանալ վարչապետի թեստի պատասխանի լուսանկարը, սակայն խոսնակը մերժեց՝ պնդելով, որ այն մարդու անձնական-բժշկական տվյալ է, որը չի կարելի հանրայնացնել: Մեր այն պնդմանը, որ խոսքը վերաբերում է երկրի ղեկավարին, Գևորգյանը հակադարձեց՝ ինչ կապ ունի՝ ում է վերաբերում խոսքը, իմաստ չկա հանրայնացնելու:

Նա նաև նշեց,  որ կառավարության անդամների և վարչապետի աշխատակազմի համատարած թեստավորում անցկացնել չի նախատեսվում։ «Անհրաժեշտության դեպքում թեստավորում կիրականացվի բժշկական ցուցումով։ Վարչապետի հետ շփում ունեցած կառավարության անդամները պահպանել են սահմանված կանոնները՝ դիմակների կրում, սոցիալական հեռավորություն, ախտահանիչ նյութերի օգտագործում և այլն։ Իսկ Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։ Վարչապետի ինքնազգացողությունը լավ է»։

Կապ հաստատեցինք նաև Աննա Հակոբյանի մամուլի խոսնակ Հասմիկ Հարությունյանի հետ, ով նույնպես հրաժարվեց տվյալներ տրամադրել՝ պատճառաբանելով, որ հարկ չեն համարում մարդու անձնական-բժշկական տվյալները տրամադրել:

Այս թեմայով Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Նիկոլ Փաշինյանը ծանոթացել է «Գառնի տաճարի մերձակա տարածքի բարեկարգում» ծրագրի ընթացքին (տեսանյութ) Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post ԱՄՆ-ն մայիսի 12-ից չեղարկում է օտարերկրացիների համար Covid-ի դեմ պարտադիր պատվաստումը Հայ ժողովրդի դավաճանն անուն ու ազգանուն ունի, որն սկսվում ու ավարտվում է «ն» տառով. Մարգարիտա Սիմոնյան Չինաստանը տեղեկություններ ունի, որոնք կարող են լույս սփռել COVID-19-ի ծագման վրա. ԱՀԿ Բայդենը հավանություն է տվել կորոնավիրուսի պատճառով սահմանված արտակարգ դրության չեղարկմանը Ամենահարուստ «հեղափոխական» փոխմարզպետների թոփ 10-ը