Փաշինյանը Արցախում կայացած բանկետին արդեն վարակակիր էր. Ղազինյան

Փաշինյանն ու իր ընտանիքը վարակվել են կորոնավիրուսով. սա, իհարկե, սպասելի էր իր պարագայում, քանի որ այն քամահրանքն ու ծաղրը, անլրջությունն ու ցինիզմը, որ նա ցուցաբերեց այս վիրուսի նկատմամբ, այլ տարբերակ չէր թողնում։ Այս մասին Facebook-ի իր էջում գրել է «Մեկ Հայաստան» կուսակցության համահիմնադիր Արթուր Ղազինյանը:

Նա, մասնավորապես, նշել է. «Մի կողմ թողնելով այն հանգամանքը, որ հասարակության գերակշռող մեծամասնությունը խորը կասկածով է վերաբերվում այս փաստին, ինչպես նաև այն, որ Փաշինյանն իրեն իր իսկ կողմից ստեղծած իրավիճակի զոհ դարձնելու համար հոգեբանորեն կարող էր դիմել նման կեղծիքի, ինձ հետաքրքրում է բոլորովին ուրիշ բան։

Եթե հիշում եք, 10 օր առաջ հայկական քաղաքական «էլիտան» Արցախում մասնակցում էր Արցախի նախագահի երդմնակալության բանկետին՝ առանց դիմակների, պաշտպանիչ ձեռնոցների, ֆիզիկական հեռավորության նվազագույն պահանջների պահպանման։

Իսկ այս վիրուսի ինկուբացիոն շրջանը, ըստ մասնագետների պնդման, տևում նվազագույնը 14 օր։ Այսինքն, կարելի է հաստատապես պնդել, որ Փաշինյանն այդ բանկետին արդեն վարակակիր էր և, ի նկատի ունենալով նրա խոսքի արտահայտման ֆիզիկական բարձր ճնշումը, շատ մեծ հավանականությունը, որ նա հասցրել է վարակել բանկետի մասնակիցներին։ Իսկ բանկետին մասնակցում էր Արցախի ամբողջ վերնախավը, նաև բարձրաստիճան զինվորականներ։

Բացարձակապես չեմ պնդում, որ Փաշինյանը կորոնավիրուսը տեղափոխել է Արցախի զինված ուժեր, բայց այն փաստը, որ նա այդ բանկետին եղել է վարակված, ուղղակի անվիճելի է։

Եթե նա, պաշտոնե լինելով Հայաստանի ներքին և արտաքին անվտանգության երաշխավոր, նա չկարողացավ ապահովել իր և իր ընտանիքի առողջապահական անվտանգությունը, ապա ինչպե՞ս մեր քաղաքացիները վստահ լինեն, որ իրենք պաշտպանված են։

Սա անպատասխանատվության ու անլրջության նոր ռեկորդ է, որով Փաշինյանը կարող է հպարտանալ իր ամբողջ կյանքում, ասելով, որ ինքը Հայաստանի պատմության մեջ եղել է ամենաանլուրջ, ցինիկ և անպատասխանատու վարչապետը։

Հ.Գ. Առողջություն եմ մաղթում բոլոր հիվանդներին և Աստված պահապան մեր ժողովրդին։

Այս թեմայով Բոլորն ուրախացել են, որ Արցախի գազի մատակարարումը վերականգնվել է, բայց քչերն են հիշում, որ այդ գազը 30 տարի չէր ընդհատվել Այն ազգը, որ կարող է հրաժարվել իր 120.000 հայրենակիցներից, ազգ կոչվելու իրավունք չունի. Ղազինյան «Բոլորս հիշում ենք՝ աղետի գոտի ժամանած Գորբաչովին ինչպես դիմավորեցին երկրաշարժի գոտում ապրող հայերը» «Հայաստան» և «Պատիվ ունեմ» դաշինքներն այլևս գոյություն չունեն․ Արթուր Ղազինյան Նոյեմբերի 5-ին ես իմ բողոքն ու անհամաձայնությունն եմ հայտնելու ստորացմանն ու նվաստացմանը․ Ղազինյան Ռուս-թուրքական իրավիճակային դաշինքն առաջիկա ամիսներին կավարտվի, ինչը կստեղծի լրջագույն վտանգներ. Ղազինյան Պետք է ձևավորել իշխանության այլընտրանքային պրոֆեսիոնալ համակարգ․ Ղազինյան Արթուր Ղազինյանը դադարեցնում է քաղաքական գործունեությունը «Ի՞նչ է կատարվում և ի՞նչ պետք է անել»․ Արթուր Ղազինյան «Ճիշտ է արել, 100 մլն-ի պայմանագիր էլ պետք է կնքել Իրանի հետ՝ հարվածային ԱԹՍ ձեռք բերելու համար»