Ծեծի ենթարկված փոխգնդապետի վիճակը կտրուկ վատացել է

Ծեծի ենթարկված փոխգնդապետ Արա Մխիթարյանի վիճակը կտրուկ վատացել է: Այս մասին ԼՈՒՐԵՐ.com-ի հետ զրույցում ասաց նրա հայրը: 

«Տղուս վիճակը շատ վատ է: Ճնշումն էնքան է ընկել, որ չեն կարողանում կարգավորել վիճակը: Ճնշումը իջել է 80-50, հազիվ կհանեն, կհասցնեն 90-100: Միակ հույսս էն է, որ ավելի չիջնի ճնշումը, հանկարծ վիճակը անվերահսկելի չդառնա»,-նշում է Մխիթարյանի հայրը: 

Անդրադարձանք հիվանդանոցի՝ որոշ ժամանակ առաջ Արա Մխիթարյանի հարազատներին արած առաջարկությանը, որով նրանց խորհուրդ էին տվել Արային տանել տուն և տան պայմաններում շարունակել բուժումը: Մխիթարյանի հայրն ասաց, որ որդու վիճակը այնքան վատ է, որ որևէ տեղ տեղափոխելու մասին խոսք անգամ չի կարող լինել:

«Իրենք մեզ ասում էին՝ ընտանեկան միջավայրը կարող է լավ անդրադառնալ որդուս վիճակի համար, էն էլ շաբաթներ չանցան, ու հիմա նման առաջարկի համար դատի կարող ենք տալ մեկս մյուսիս, և ես՝ իրենց, և իրենք՝ ինձ»,-եզրափակեց Մխիթարյանի հայրը:

Հիշեցնենք, որ Վայոց Ձորի մարզի Եղեգնաձոր քաղաքում սեպտեմբերի 18-ի գիշերը ՊՆ փոխգնդապետ Արա Մխիթարյանը ծեծի էր ենթարկվել: Հարուցված քրեական գործի շրջանակներում կալանավորվել էր նախկին մարզպետ Տրդատ Սարգսյանի օգնականը և նրա եղբայրը՝ Հարություն Գրիգորյանը: Գործի շրջանակում շոշափվում էր նաև մարզպետի հնարավոր մասնակցությունն ստուգելու հարցը:

Այս թեմայով Փոխգնդապետ Արա Մխիթարյանի գործով ցուցմունք տված զինվորականների դեմ կնախաձեռնվի քրեական վարույթ «Ժողովուրդ». ՔՊ-ականները գինարբուք են կազմակերպել խորհրդարանում Փոխգնդապետ Արա Մխիթարյանին դաժանաբար ծեծի ենթարկելու գործով Հարություն Գրիգորյանը դատապարտվել է 5 տարվա ազատազրկման Անցել է 2 տարի, ինձ մի զանգ արե՞լ եք. դաժան ծեծված փոխգնդապետի հայրը՝ Տրդատ Սարգսյանին Ինչո՞ւ են Տրդատիկին ցուցակում ընդգրկել, որ պատգամավոր դառնա, ու պատասխանատվության չենթարկվի՞. ծեծված փոխգնդապետի եղբայր Աղմկահարույց նշանակում. նոր պաշտոնյաներն անելիք ունեն. «Հրապարակ» ՔՊ-ական պաշտոնյաներից ովքե՞ր են «ջրից չոր» դուրս եկել. մաս 1 Ծեծի ենթարկված փոխգնդապետը տեղափոխվել է տուն. նա կոմայից դուրս չի եկել «Էդ մարդը իրենց պետք է որպես բանդայի ղեկավար». ծեծված փոխգնդապետի հայրը` Տրդատ Սարգսյանին պաշտոնի նշանակելու մասին