«Իմ քայլը» հիմնադրամը նվեր է փոխանցել Լիբանանի «Թռչնոց բույն» որբանոց-վարժարանի սաներին
Общество
Հունիսի 1-ին՝ Երեխաների իրավունքների պաշտպանության օրը, Լիբանանում ՀՀ արտակարգ և լիազոր դեսպան Վահագն Աթաբեկյանի նախաձեռնությամբ տեղի ունեցած միջոցառմանը «Թռչնոց բույն» որբանոց-վարժարանի սաներին փոխանցվել է «Իմ քայլը» հիմնադրամի հատկացրած աջակցություն-նվերը: Այդ մասին հայտնում է «Իմ քայլը» հիմնադրանը, այս առանձնահատուկ մանկատունը գործում է Մեծի Տանն Կիլիկիո կաթողիկոսության հովանու ներքո։
«Թռչնոց բույն» որբանոցը ստեղծվել է հայ ժողովրդի համար օրհասական պայմաններում և որդեգրել է հայապահպան եզակի առաքելություն խիստ դժվարին աշխարհաքաղաքական իրադարձություններում: Եթե այսօր եղբայրական Լիբանանում հայ համայնքն ունի Հայրենիքի կարիքը, մեր լիազորությունների սահմաններում կանենք հնարավորը նրանց աջակցելու համար», - ավելի վաղ դեսպանին ուղղված նամակում նշել էր «Իմ քայլը» հիմնադրամի գործադիր տնօրեն Հովհաննես Ղազարյանը և Հիմնադրամի բարեմաղթանքներն էր հղել ինչպես հայ համայնքին, այնպես էլ՝ եղբայրական Լիբանանի ողջ ժողովրդին:
«Լիբանանի երիտասարդության հարցերով նախարար, «Զվարթնոց» կենտրոնի տնօրեն Վարդինե Օհանյան-Գևորգյանը մեծապես կարևորեց Մայր Հայրենիքի ցուցաբերված այս խորհրդանշական քայլը՝ իբրև համահայկականության գաղափարի օրինակելի դրսևորում։ Նա կենտրոնի վարչության երախտագիտությունը փոխանցեց «Իմ քայլը» հիմնադրամի հոգաբարձուների խորհրդին՝ ի դեմս ՀՀ վարչապետի տիկին Աննա Հակոբյանի:
«Իմ քայլը» հիմնադրամը լիահույս է, որ Լիբանանում ստեղծված իրավիճակը շուտափույթ կկարգավորվի և կյանքը ինչպես հայկական համայնքի, այնպես էլ՝ եղբայրական Լիբանանի ողջ ժողովրդի համար կվերադառնա բնականոն հուն:
Ցանկանում ենք, որպեսզի աշխարհի մանուկներն ապրեն խաղաղ ու պաշտպանված»,- ասված է հիմնադրամի տարածած հաղորդագրության մեջ:
Самое популярное 
Громкое разоблачение Politico. Совместная британо-азербайджанская «операция» в Арцахе
