Կալանք է դրվել նաեւ այն ընկերությունների բաժնեմասի վրա, որոնց սեփականատերերին Մինասյանն անձնապես չի ճանաչում. փաստաբան

Առավել տարակուսելի է, որ կալանք է դրվել ոչ միայն Վատիկանում ՀՀ նախկին դեսպան Միքայել Մինասյանի բարեկամներին կամ պարզապես ծանոթներին պատկանող ընկերությունների, այլեւ այն ընկերությունների բաժնեմասի վրա, որոնց սեփականատերերին Միքայել Մինասյանն անձնապես չի էլ ճանաչում: Այս մասին ֆեյսբուքյան իր էջում գրել է Միքայել Մինասյանի պաշտպան Միհրան Պողոսյանը։

Նա, մասնավորապես, գրել է.

««Հայկական ժամանակ» օրաթերթի ինտերնետային կայքում հրապարակված նյութից տեղեկացա, որ վարույթ իրականացնող մարմինը կալանք է դրել «ենթադրաբար» Միքայել Մինասյանին պատկանող ընկերությունների բաժնետոմսերի վրա:

Նշված փաստի վերաբերյալ ՊԵԿ քննչական վարչությունից դեռեւս չենք ստացել որեւէ գրավոր փաստաթուղթ կամ բանավոր պարզաբանում:

Առավել տարակուսելի է, որ կալանք է դրվել ոչ միայն Միքայել Մինասյանի բարեկամներին կամ պարզապես ծանոթներին պատկանող ընկերությունների, այլեւ այն ընկերությունների բաժնեմասի վրա, որոնց սեփականատերերին Միքայել Մինասյանն անձնապես չի էլ ճանաչում:

Նշվածը վերջին երկու տարին անընդմեջ Միքայել Մինասյանի եւ նրան հետ երբեւէ որեւէ առնչություն ունեցած, իսկ առանձին դեպքում՝ որեւէ առնչություն չունեցած անձանց եւ ընկերությունների նկատմամբ իրականացվող ապօրինի գործողությունների հերթական փուլն է: Ակնհայտ է, որ երկրի քաղաքական իշխանությունները չունեն Միքայել Մինասյանի կողմից վերջին ժամանակահատվածում իրականացվող աղմկահարույց բացահայտումներին պատասխանելու որեւէ այլ տարբերակ, քան ապօրինի եղանակով քրեաիրավական գործիքակազմին դիմելը՝ մի տարբերակ, որն ի սկզբանե դատապարտված է անհաջողության:

Այս պահին փորձում ենք ստանալ գույքի վրա կալանք դնելու վերաբերյալ դատավարարական ակտերը՝ օրենքով սահմանված եղանակով դրանք բողոքարկելու համար:

Միաժամանակ, մեր ներողամտությունն ենք հայցում այն ընկերություններից եւ անձանցից, որոնք այսօր տուժում են Միքայել Մինասյանի հետ երբեւէ որեւէ առնչություն ունենալու համար»։

Այս թեմայով Ապօրինի գույքի բռնագանձման հերթական հայցադիմումը. պահանջը վերաբերում է ԴԱՀԿ նախկին պետ Միհրան Պողոսյանին Թմբուկը բերել եմ՝ մարդկանց հիշեցնելու իրենց բնատուր մասնագիտությունը. փաստաբան Պողոսյանն ակցիային եկել է թմբուկով Միհրան Պողոսյանի գրանցումը «Պատիվ ունեմ» դաշինքի ընտրական ցուցակում անվավեր է ճանաչվել Ով է Միհրան Պողոսյանի՝ ցուցակում հայտնվելու կնքահայրը. «Հրապարակ» Միհրան Պողոսյանին տրվել է վերջին 4 տարում միայն ՀՀ քաղաքացի հանդիսանալու և ՀՀ-ում մշտապես բնակվելու մասին տեղեկանք. ՀՀ ոստիկանություն Ինչ փոփոխություն է մտցվել Փաշինյան-Պուտին-Ալիև հայտարարության մեջ ու ինչ դավաճանություն է կանխվել «Աննա» անունը Նիկոլի վրա չի գալիս» Մ.Պողոսյան Դոհա-Երևան և Մոսկվա-Երևան թռիչքները 30-րդ պտույտն են կատարում Զվարթնոց օդանավակայանի գլխավերևում Այսօր ինձ է դիմել Նիկոլի թիմից մի բարձրաստիճան պաշտոնյա. փաստաբան Միհրան Պողոսյան «Իրավունք». Միհրան Պողոսյանը ՌԴ-ում բանանի գո՞րծ է անում