Գործազրկության «համաճարակ». քանի աշխատատեղ է բացվել և քանիսն են փակվել կարանտինի ընթացքում

Պետական եկամուտների կոմիտեի նախագահի տեղակալ Արթուր Մանուկյանի խոսքով` կորոնավիրուսի տնտեսական հետևանքների չեզոքացման 5-րդ միջոցառման շահառու են եղել 14.964 ձեռնարկություն, որոնց ընդհանուր առմամբ վճարվել է 2,2 միլիարդ դրամ։ 2020-ի 4 ամսվա ընթացքում Հայաստանում 12.000 քաղաքացի կորցրել է աշխատանքը։ «Աշխատողներին աշխատանքից ազատելու առումով այդքան էլ վատ պատկեր չունենք։ 4 ամսվա տվյալներով` ընդամենը 12.000 աշխատող է կորցրել իր աշխատանքը։ Շատ ավելի մեծ տոկոս է կազմում այն աշխատողների թիվը, որոնք կան, բայց փաստացի աշխատավարձ չեն ստացել»,–ասել է Մանուկյանը։ 

Հիշեցնենք, որ 2019–ին Հայաստանում 40 հազար աշխատատեղ էր ստեղծվել, իսկ 2020-ի 4 ամիսների ընթացքում արդեն իսկ փակվել է 12 հազարը և ինչպես կարելի է հասկանալ պետության օժանդակության մասշտաբներից՝ այդ տեմպերը պահպանվելու են, քանի որ օժանդակությունը և՛ բավարար չէ, և՛ հասցեական չէ: Բացի այդ՝ 74 հազար մարդ եկամուտ չի ստացել միայն ապրիլ ամսին: Աշխատատեղերի՝ փետրվարի աճը, ըստ ՊԵԿ նախագահ Դավիթ Անանյանի, հունվարի համեմատ կազմել էր 14 400, իսկ մարտինը՝ փետրվարի համեմատ՝ 3700 նոր աշխատատեղ: Անգամ եթե այս թվերը իրական են և հերթական աճպարարության արդյունքը չեն՝ պարզից էլ պարզ է, որ չորս ամիսների ընթացքում աշխատատեղերի կտրուկ կրճատումը զրոյացրել է չնչին աճը: Եթե 12 հազարը բաժանենք չորս ամիսների, ապա ստացվում է, որ 2020-ի ընթացքում Հայաստանում փակվել է ամսական 3000 աշխատատեղ, մինչդեռ ՊԵԿ նախագահը այլ բան էր պնդում: 2020 թվականի ապրիլի 1-ին պաշտոնապես գրանցվել է 85․900 գործազուրկ և աշխատանք փնտրող։ 2020-ի հունվար-փետրվար ամիսների համեմատ՝ նրանց թիվն աճել է։ Այն, որ կորոնավիրուսը տնտեսական լուրջ հետևանքներ է խոստանում, գաղտնիք չէ։ Սակայն, ինչպե՞ս այն կազդի հայաստանյան աշխատաշուկայի վրա։ ՀՀ աշխատանքի և սոցիալական հարցերի նախարարությունում առաջիկայում կանխատեսում են գործազրկության մակարդակի 1․3%-անոց աճ։ Արդյունքում՝ երկրում գործազրկությունը 17.7 տոկոսից մինչեւ 19 տոկոս կհասնի, իսկ դա մինչ հեղափոխությունը գրանցված ցուցանիշն էր: Հայաստանը կգրանցի 40 հազարով ավել գործազուրկ։ Իսկ սա ճիշտ և ճիշտ այն աշխատատեղերի թիվն է, որոնք, ըստ պաշտոնական վիճակագրության, բացվել էին նախորդ տարի: 

Որպեսզի ստեղծվեն նոր աշխատատեղեր անհրաժեշտ են պետական աջակցության գործուն ծրագրեր, որոնք այս պահի դրությամբ չկան և այդ մասին խոսում են հենց բիզնես ոլորտի ներկայացուցիչները, ովքեր պետական աջակցությունը բավարար չեն համարում իրենց բիզնեսը փրկելու համար: 

Հ.Գ. Նյութը գրելուց հետո արդեն իսկ պարզ դարձավ, որ ՊԵԿ նախագահ Դավիթ Անանյանն աշխատանքից ազատվելու դիմում  է գրել:  Դժվար է ասել, թե կոնկրետ որն է Անանյանի հրաժարականի պատճառը, սակայն վերը նշված խնդիրներն ակնհայտորեն նպաստել են ՊԵԿ նախագահի կողմից լիազորությունները վայր դնելուն...

Այս թեմայով Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան «Ինչո՞ւ եք շարունակում մնալ ՀԱՊԿ անդամ»․ հարց՝ Փաշինյանին Հայաստանը չի պատրաստվում պատերազմ վարել Լեռնային Ղարաբաղի համար․ Փաշինյան (տեսանյութ) Տավուշի համայնքապետերը վերադարձել են կառավարության շենք եւ հանդիպում են Փաշինյանի հետ (տեսանյութ) Ադրբեջանը շատ ագրեսիվ է արձագանքում ՀՀ ԶՈւ բարեփոխումներին․ Փաշինյան Տավուշցիներից առաջ Փաշինյանի մոտ էին ԱԱԾ պետը, ոստիկանապետը, պաշտպանության նախարարը. «Հրապարակ»