Իսկ Քննչական կոմիտեի քեֆի նկարը չե՞ք ուզում հրապարակել. Yerevan Today

Մինչ վարչապետ Նիկոլ Փիշինյանն գիշերներով թաքուն տեսա-լուսանկարված անծանոթներին հանրային պարսավանքի զոհ է դարձնում՝ իր բնութագրմամբ՝ կարանտինային ռեժիմն արհամարհելու համար, իր իսկ ղեկավարած պետական համակարգում որոշ պաշտոնյաներ առանց երկյուղի քեֆ-ուրախություն են անում:

YerevanToday-ին հայտնի է դարձել ՀՀ Քննչական կոմիտեի (ՔԿ) մայիս 28-ի կազմակերպած միջոցառումից որոշ դրվագներ: Պարզվում է՝ ՔԿ-ի մի խումբ չինովնիկներ, որոնց Հանրապետության օրվա առթիվ տրվել էին բարձր պարգևներ, որոշել են պետական տոնը միացնելով անձնականին՝ գաղտագողի ոչ մեծ խնջույք կազմակերպել, մանավանդ, որ մինչ այդ էլ երկու ճոխ առիթը կար. դրանից օրեր առաջ ՀՀ ՔԿ նախագահ Հայկ Գրիգորյանը միջազգային գործընկերների կողմից արժանացել բարձր պարգևների, ինչպես ՌԴ-ի քննչական կոմիտեի նախագահ Ալեքսանդր Բաստրիկինի կողմից, այնպես էլ Բելառուսի ՔԿ պետի՝ Բելառուսի Քննչական կոմիտեի չորորդ համատեղ կոլեգիայի նիստի ժամանակ:

ՔԿ չինովնիկների մայիսյան քեֆն անցել է ջերմ մթնոլորտում՝ մոտ տասնհինգ հոգանոց կազմով, մասնակցել են Քննչական կոմիտեի ախագահ Հայկ Գրիգորյանը, նրա  տեղակալ Արսեն Այվազյանը, զինվորական քննչական գլխավոր վարչության պետ Արտակ Կրկյաշարյանը, Արման Պողոսյանը և այլք։ Երևան քաղաքի քննչականի պետ Անրի Վարդանյանը, ըստ աղբյուրի, միջոցառման առանցքային դերակատարներից մեկն է եղել, թամադայությունն իր վրա է վերցրել ՔԿ վերահսկողության գլխավոր վարչության  պետ Սամսոն Մաթևոսյանը։ Խնջույքին ներկա են գտնվել ՔԿ պետի նախընտրելի ցանկից որոշ սպաներ, ու ՔԿ արտոնյալ վարչության պետեր, նաև ՔԿ նախագահի հատուկ հանձնարարություններով վարչության պետ Մհեր Վարդանյանը: Սեղանի շուրջ խմբված մեդալակիրների ու պարգև ստացած ՔԿ էլիտայի համար բարձր տրամադրություն ապահովողներից մեկը եղել է գլխավոր քարտուղար Արամ Նիկոյանը, որին ՔԿ-ում ընկալում են բոլորին իրար կապող «մածնի մերան»:

Yerevan․Today-ի տեղեկությունները ՔԿ լրատվականում հերքում են՝ ասելով, որ եթե նույնիսկ միջոցառման անհրաժեշտությունը լինի, միևնույն է՝ կսպասեն, քանի որ երկրում հայտարարված է արտակարգ դրության ռեժիմ, ուստի խմբակային քեֆեր միջոցռումներ անցկացնել այս շրջանում թույլատրված չէ:

Այս թեմայով Նոր նշանակումներ Քննչական կոմիտեում Պարզվել են փողերի լվացման առերևույթ դրսևորմներ Ստեփանավանում. քրգործ է հարուցվել Առերևույթ չարաշահումներ «Պրոֆեսոր Ռ. Հ. Յոլյանի անվան արյունաբանական կենտրոն» ՓԲԸ-ում. հարուցվել է քրեական գործ Միջադեպ` ՀՀ քննչական կոմիտեի աշխատակցի մասնակցությամբ. վերջինս ստացել է մարմնական վնասվածքներ ԱԺ արտահերթ ընտրություններին ընդառաջ քննչական կոմիտեի նախագահի հրամանով ստեղծվել է աշխատանքային խումբ Նոր նշանակում՝ ՀՀ քննչական կոմիտեում Մարտական հերթապահության կանոնները խախտելու եւ ծառայության նկատմամբ անփույթ վերաբերմունքի հոդվածներով հարուցվել է քրգործ ՀՀ քննչական կոմիտեի նախագահը պարգևատրել է ՊՆ ռազմական ոստիկանության մի շարք աշխատակիցներ Այս իշխանությունները թուրքի կամակատար են. ՔԿ գլխավոր վարչության նախկին պետ Թրաֆիքինգի դեպքի առթիվ հարուցված քրգործով մեղադրանք է առաջադրվել ընտանիքի երեք անդամի