Ջոն Բոլթոնը գիրք կհրապարակի իր՝ Թրամփի խորհրդական աշխատելու ժամանակների մասին․ Washington Post

ԱՄՆ նախագահի ազգային անվտանգության նախկին խորհրդական Ջոն Բոլթոնը հունիսի 23-ին կթողարկի այս պաշտոնում աշխատելու վերաբերյալ իր գիրքը՝ առանց նույնիսկ Սպիտակ տան պաշտոնական թույլտվության ստանալու, հայտնում է Washington Post-ը՝ վկայակոչելով իրազեկ աղբյուրներին: Բոլթոնի հուշերի գիրքը՝ «Սենյակը, որտեղ դա տեղի է ունեցել. Սպիտակ տան հուշեր» խորագրով, թողարկվելու էր մարտին, այնուհետև հայտարարվեց, որ հրատարակությունը հետաձգվում է մինչև մայիսի 12-ը: Դա պայմանավորված էր նրանով, որ գրքի նախագիծը ուղարկվել է Սպիտակ տուն՝ բովանդակային գաղտնի տեղեկատվություն պարունակելու ավանդական ստուգման համար: Հրապարակման համաձայն՝ հրատարակման պաշտոնական թույլտվությունը դեռ չի ստացվել, այնուամենայնիվ, Բոլթոնը մտադիր է ամեն դեպքում գիրքը տպագրության հանձնել հունիսի 23-ին: Հաղորդվում է, որ նա իր հիշողությունները խթանելու համար պլանավորել է հարցազրույցների շարք վարել հեռուստատեսությամբ, իսկ հրապարակման օրվան նախորդող հանգստյան օրերին նա նույն նպատակով մեկնելու է շրջագայության:
Ավելի վաղ հաղորդվել էր, որ Սպիտակ տան տեղեկատվական անվտանգության տնօրեն Էլեն Նայթը նամակ է գրել Բոլթոնի փաստաբաններին, որում նա նշել է, որ չհրապարակված գիրքը պարունակում է «զգալի քանակությամբ գաղտնի տեղեկատվություն»: Թերթը նախկինում հայտնել էր, որ Թրամփը հայտարարել է իր՝ ազգային անվտանգության նախկին խորհրդականի գրքի հրատարակումը կանխելու մտադրության մասին, քանի որ Բոլթոնին համարում է «դավաճան»: Բոլթոնը Ազգային անվտանգության խորհրդական էր ծառայել 2018-ի ապրիլից մինչև 2019-ի սեպտեմբեր: Ակնկալվում է, որ 592 էջանոց գրքում նկարագրվում է նախագահ Թրամփի կողմից որոշումների կայացման գործընթացը միջազգային քաղաքական մի շարք հարցերի, այդ թվում՝ Ուկրաինայի, Վենեսուելայի, Հյուսիսային Կորեայի և Իրանի վերաբերյալ:

Այս թեմայով Ահա թե ինչու Իսրայելը պետք է դադարեցնի Գազայի հատվածում պատերազմը. Թրամփ Եթե ես լինեի նախագահ, չէին լինի ո'չ ՀԱՄԱՍ-ի հարձակումը, ո'չ Ուկրաինայի հակամարտությունը. Թրամփ Բայդենը կործանում է ԱՄՆ-ն. Թրամփ Ես ԱՄՆ-ն դուրս չեմ բերի ՆԱՏՕ-ից, քանի դեռ եվրոպացիները վճարում են. Թրամփ Bild-ը հայտնել է Թրամփի գաղտնի ծրագրի մասին Հրաշալի և ոգեշնչող օր է. Թրամփ Դոնալդ Թրամփ կրտսերը փոստով սպիտակ փոշի պարունակող ծրար է ստացել Թրամփը խոստացել է ընտրություններում հաղթելու դեպքում փակել ԱՄՆ սահմանը Պուտին-Թրամփ առաջին հեռակա բանակցությունները՝ Ուկրաինայի ապագայի շուրջ Բայդենը կործանել է Միացյալ Նահանգները, բայց գուցե նա լավ մտադրություններ ուներ. Թրամփ