Գեղարքունիքի մարզի ոստիկանները ապօրինի ծառահատման դեպքեր են բացահայտել (տեսանյութ)

Ոստիկանությունը հատուկ ուշադրություն է դարձնում բնապահպանական խնդիրներին` շարունակելով հետևողական պայքարը ապօրինի ծառահատումների դեմ: Գեղարքունիքի մարզի ոստիկանների աչալուրջ ծառայության շնորհիվ օրերս ապօրինի ծառահատման հինգ դեպք բացահայտվեց:
Հունիսի 5-ին, ժամը 15.30-ի սահմաններում, բնապահպանական ոլորտի իրավախախտումներ հայտնաբերելու և կանխարգելելու նպատակով ոստիկանության Մարտունու բաժնի ծառայողները Ներքին Գետաշեն գյուղի ճանապարհին ստուգել են Տավուշի մարզի Այգեհովիտ գյուղի 30-ամյա բնակչի փայտանյութով բեռնված «Ֆորդ Տրանզիտ» մակնիշի մեքենան:
Վարորդը վառելափայտի օրինականությունը վկայող որևէ փաստաթուղթ չի ներկայացրել, հայտնել է, որ վառելափայտը ձեռք է բերել մայիսի 26-ին Տավուշի մարզի «Սևքարի անտառտնտեսությունից»:
Փայտանյութով բեռնված մեքենան տեղափոխվել է ոստիկանության Մարտունու բաժնի հատուկ պահպանվող տարածք:
Նշանակվել է մասնագիտական ստուգում:
Նույն օրն ապօրինի ծառահատման մեկ այլ դեպք էլ բացահայտեցին ոստիկանության Ճամբարակի բաժնի ծառայողները:
Ժամը 22-ի սահմաններում ոստիկանության ՊՊԾ դասակի ծառայողները Ճամբարակի պահակետում ծառայություն իրականացնելիս ստուգել են Հաղարծին գյուղի 26-ամյա բնակչի փայտանյութով բեռնված «Ֆորդ Տրանզիտ» մակնիշի մեքենան: Վարորդը վառելափայտի օրինականությունը վկայող փաստաթուղթ չի ներկայացրել, հայտնել է, որ այն ձեռք է բերել 2019 թվականի աշնանը` «Դիլիջանի անտառտնտեսությունից»:
Մեքենան, փայտանյութով հանդերձ, տեղափոխվել է ոստիկանության Ճամբարակի բաժնի հատուկ պահպանվող տարածք:
Հունիսի 9-ին ապօրինի ծառահատման երեք դեպք էլ Սևանի բաժնի ծառայողները բացահայտեցին:
Ժամը 5.30-ի սահմաններում բաժնի ծառայողները, ստացված տեղեկություններն իրացնելով ճանապարհային ոստիկանների հետ, Դիլիջանի ոլորանների սկզբնամասից ժամկետանց փաստաթղթերով փայտանյութ տեղափոխելու համար ոստիկանության Սևանի բաժին են տեղափոխել Իջևան քաղաքի 63-ամյա բնակչի 25 խմ փայտանյութով բեռնված «ԿամԱԶ» և Նոյեբերյան քաղաքի 38-ամյա բնակչի 7 խմ վառելափայտով բեռնված «ԶԻԼ» մակնիշի բեռնատարները:
Վարորդները հայտնել են, որ փայտանյութը ձեռք են բերել «Նոյեմբերյանի անտառտնտեսությունից»:
Րոպեների տարբերությամբ իրավապահները Դիլիջանի ոլորանների սկզբնամասում ստուգեցին Տավուշի մարզի Գետահովիտ գյուղի 64-ամյա բնակչի 24 խմ փայտանյութով բեռնված «ԿամԱԶ» մակնիշի մեքենան:
Բեռնատարի վարորդը փայտանյութի օրինականությունը վկայող որևէ փաստաթուղթ չի ներկայացրել, հայտնել է, որ այն ձեռք է բերել անհատ ձեռնարկատիրական ընկերությունից:
Հանգամանքները պարզվում են:
Նշանակվել է մասնագիտական ստուգում:
Նշված դեպքերով նախապատրաստվում են նյութեր:

Այս թեմայով Ապօրինի ծառահատում կատարած և «Նիսան Պատրուլը» ձորը գցած վարորդները ձերբակալվել են Ապօրինի ծառահատում կատարած 38-ամյա ագարակցին ներկայացել է ոստիկանություն Նորատուսի անտառում ապօրինի ծառահատում են արել Ապօրինի ծառահատում Հրազդանի կիրճում. տղամարդիկ ձերբակալվել են Ոստիկանները ապօրինի ծառահատման դեպքեր են բացահայտել Գուգարքի ոստիկանները ապօրինի ծառահատման հերթական դեպքն են բացահայտել (տեսանյութ) 62-ամյա տղամարդը 10 կանգուն ծառ է հատել Հրազդանում 32-ամյա քաղաքացին ապօրինի հատել է տարբեր տեսակի և տրամագծի 37 ծառ Արաբկիրի թաղապետը դիմել է դատախազություն՝ Բաղրամյան 79ա հասցեի սեփականաշնորհման հարցով. Հակոբ Կարապետյան Երևանի կենտրոնում ադրբեջանցուն տարածք է վաճառվել. նա ասել է՝ «թե պետք լինի, պատերազմում զոհվածի հիշատակին նվիրված խաչքարն էլ կհանեմ»