Ռոնալդինյոն պատմել է, թե ինչպես է ընթանում իր տնային կալանքը․ Mundo Deportivo
Սպորտ«Բարսելոնայի» և Բրազիլիայի հավաքականի նախկին խաղացող Ռոնալդինյոն ասել է, որ արդեն երկու ամիս է, ինչ Պարագվայի հյուրանոցներից մեկում գտնվում է «տնային» կալանքի տակ: Ռոնալդինյոն և նրա եղբայրը, ովքեր կասկածվում են Պարագվայ մուտք գործելիս կեղծ անձնագրեր օգտագործելու մեջ, ձերբակալվել են մարտի 7-ին: Մեկ ամիս անց նախկին ֆուտբոլիստը և նրա հարազատը տնային կալանքի տակ են 1,6 միլիոն դոլար գումարի գրավով:
«Այժմ ամեն ինչ կարգին է։ Մենք շատ հանգիստ ենք։ Աշխատակիցները անում են ամեն ինչ, որպեսզի իմ եղբայրը և ես կարողանանք այստեղ հաճելի ժամանակ անցկացնել: Պատկերացնում եմ՝ մարդիկ ինչպես են իրենց զգում՝ տներում ստիպողաբար փակված մնալով։ Կարծում եմ, որ սա մի պահ է, որը կմնա մեր հիշողություններում հետագա ողջ կյանքի ընթացքում: Մենք գրեթե ամեն օր սպորտով ենք զբաղվում: Մենք ունենք մարզադահլիճ, որտեղ կարող ենք մարզվել», - ասել է Ռոնալդինյոն Mundo Deportivo-ին տված հարցազրույցում: