Նոր որակի իշխանություն կարող է ձևավորվել միայն նոր ընտրությունների միջոցով. Իշխան Սաղաթելյան (տեսանյութ)

Վերջին շրջանում ընդդիմադիր քաղաքական ուժերն իրենց դիրքորոշումներն են հայտնում և համախմբվելու կոչեր հնչեցնում՝ իշխանափոխության հասնելու նպատակով: Այս առումով Դաշնակցությունը ևս հանդիպումներ է ունենում։ ԼՈՒՐԵՐ․com-ի հետ զրույցում ՀՅԴ Հայաստանի Գերագույն Մարմնի ներկայացուցիչ Իշխան Սաղաթելյանը նշեց, որ երկրում ստեղծված իրավիճակի հետ կապված ընդդիմադիր դաշտի տարբեր քաղաքական ուժեր հնչեցրել են գրեթե նույն գնահատականները․ «Գրեթե բոլորը ասում են նույն բանը, որ երկրում կա կառավարման ճգնաժամ, երկրում կա խնդիր և գործադիր իշխանությունը բոլոր ուղղություններով ունի ձախողում։ Ընդդիմադիր դաշտի բազմաթիվ կուսակցությունների գնահատականը գրեթե նույնն է, և դրա կողքին տարբեր քաղաքական ուժեր ստեղծված իրավիճակից ելքեր են առաջարկում։ Մենք գտնում ենք, որ համախմբումը պետք է լինի օրակարգի շուրջ, որը պետք է բխի մեր պետության և ժողովրդի շահերից, որի թիվ մեկ շահառուն պետք է լինի ժողովուրդը։ Եթե մենք շարունակենք գնալ այն ճանապարհով, որ այս փրկիչը ձախողել է և անհրաժեշտ է նոր փրկիչ, անձ, որն իր կախարդական փայտիկով կգա և երկիրը այս վիճակից դուրս կհանի, մենք շատ արագ մեր ժողովրդին կտանենք հիասթափության, հետևաբար համախմբումը պետք է լինի օրակարգային։ Այդ օրակարգը կարող է իրականացնել նոր որակի իշխանությունը, որը երկրում կանի համակարգային, ամբողջական բարեփոխումներ»,- ասում է Սաղաթելյանը։ 

Ըստ նրա՝ նոր որակի իշխանություն կարող է ձևավորվել միայն նոր ընտրությունների միջոցով։

Առավել մանրամասն՝ տեսանյութում

Հարցազրույցը՝ Սոնա Հարությունյանի

Այս թեմայով Երկու ճակատով պետք է կռիվ տանք, թշնամին, օգտվում է սրանց անգործությունից. Իշխան Սաղաթելյան Նիկոլը գրում էր՝ «Շուշիի համար մարտերը շարունակվում են», բայց զուգահեռ բանակցում էր Ալիևի հետ. Սաղաթելյան Ինչպե՞ս պետք է ձևավորվի նոր իշխանությունը և ե՞րբ. ինչ պետք է նա անի. Իշխան Սաղաթելյանի ելույթը Իշխան Սաղաթելյանն ուղիղ կպել է Լևոն Տեր-Պետրոսյանի բաց նյարդին, նրա աքիլեսյան գարշապարին Սոչիում որևէ վերջնական փաստաթուղթ չի ստորագրվելու. Իշխան Սաղաթելյան (տեսանյութ) ՀՀ-ի ինքնիշխանության սպառնալիքը նստած է կառավարությունում, քանի դեռ դա կա, ՀՀ-ն վտանգի տակ ա. Իշխան Սաղաթելյան «Լավ գիտեք, ովքեր էին ժողովրդին տուն ուղարկողները, մեր պայքարը չի սասանվել» (տեսանյութ) Իշխան Սաղաթելյանը դիմեց Վեհափառին, ՔՊ-ին, մտավորականներին, երիտասարդներին Ամեն մեկն իր փայն է ուզում Հայաստանից այս իրավիճակում. Իշխան Սաղաթելյանը՝ Տոյվո Կլաարի այցի մասին Արցախի հանրահավաքից անմիջապես հետո մենք կարձագանքենք. Իշխան Սաղաթելյան