Ո՞վ պատասխան կտա ազգային անվտանգությանը հասցված հարվածի համար

Կորոնավիրուսով հիվանդ ու նրանց հետ կոնտակտ ունեցած 3500 հայաստանցու տվյալներ հայտնվել են ադրբեջանցիների ձեռքում։ Դրանք հրապարակվել են։ Երբ իշխանությունները խորհրդարան էին բերում, այսպես կոչված, տեղորոշման ծրագիրը, թե վարչապետ Նիկոլ Փաշինյանը, թե Արդարադատության նախարար Ռուստամ Բադասյանը, թե ուժային մարմինների ղեկավարները միաբերան պնդում էին, որ հնարավոր չէ ստեղծվի այնպիսի իրավիճակ, երբ մեր քաղաքացիների անձնական տվյալները կհայտնվեն երրորդ անձանց ձեռքում: Ինչպես տեսնում ենք՝ հնարավոր է, և հնարավոր է թերևս միայն մեր երկրում, քանի որ համաճարակի ընթացքում պետությունները առավելագույն ուշադրություն են դարձրել իրենց քաղաքացիների անձնական տվյալները պաշտպանելուն:

Իսկ ինչ ասել մի երկրի մասին, որի վարչապետը անձամբ է կոչ անում խախտել անձնական տվյալների մասին բոլոր հնարավոր և անհնարին օրենքները և լուսանկարել կարանտինի կանոնները չպահող քաղաքացիներին: Դեռ մի բան էլ` պարբերաբար այդ քաղաքացիների անձնական տվյալները պարունակող ինֆորմացիան զետեղել իր պաշտոնական էջում: Վերոնշյալ պաշտոնյաները վստահեցրել են հանրությանը, որ ծրագրի ընդունման դեպքում վերջիններիս անձնական տվյալները պաշտպանված են լինելու, չնայած այն հանգամանքին, որ այդ հավաստիացումները թե ընդդիմությունը, թե փորձագետները կասկածի տակ էին առնում: Եվ հետևաբար, տրամաբանական է, որ հենց վերոնշյալ պաշտոնյաներն էլ պետք է այսօր պատասխան տան՝ ազգային անվտանգությանը հարվածող նման զարգացումների համար: Եթե, իհարկե, չորոշվի այս դեպքն էլ ջրել, ինչպես դա արվեց շաբաթներ առաջ, երբ անհայտ անձինք տարածել էին կորոնավիրուսից մահացած անձանց անձնական տվյալները:

Եվ այս իշխանությունները դեռ լրջորեն խոսում են համատարած հայտարարագրման ինստիտուտի ներդրման մասին: Հետաքրքիր է, իսկ ո՞վ կվստահի իր ֆինանսական աղբյուների մասին տեղեկատվությունը այնպիսի չինովնիկներին, որոնց ձեռքից այդ ինֆորմացիան սահուն հոսում է՝ հասնելով թշնամուն: Ստեղծված իրավիճակը նաև ուժային կառույցները մեկ անձի քմահաճույքին ծառայացնելու պատճառով է, եթե ԱԱԾ-ն զբաղված լինի որոշ շրջանակների և սատանայի միջև կապը վերհանելով, կամ բակերում հավաքված երեխաներին բացահայտելով, ապա կասկած անգամ չկա, որ իր այսօրվա ուղիղ եթերի ընթացքում վարչապետը անչափ ճիշտ դիտարկում է արել՝ մեր վիճակը շատ վատ է…

Այս թեմայով Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան