New York Times պարբերականն անդրադարձել է Գագիկ Ծառուկյանին կալանավորելու և անձեռնմխելիությունից զրկելու գործընթացին

Երեքշաբթի օրը Հայաստանի խորհրդարանը կողմ քվեարկեց ամենամեծ ընդդիմադիր խմբակցության ղեկավարին՝ Գագիկ Ծառուկյանին, անձեռնմխելիությունից զրկելու համար և թույլ տրվեց, որպեսզի նա ձերբակալվի խարդախության կասկածանքով, գրում է The New York Times պարբերականը։ 

Պարբերականը գրում է, որ «Բարգավաճ Հայաստան» կուսակցության առաջնորդը և Հայաստանի ամենահարուստ գործարարներից մեկը՝ Գագիկ Ծառուկյանը, հերքել է որևէ անօրինական գործողության մեջ իր ներգրավվածության մասին լուրերը և ասել է, որ կառավարության այդ քայլը քաղաքական դրդապատճառներ ունի: Ծառուկյանը քննության է ենթարկվել ազգային անվտանգության ծառայության կողմից քվե գնելու, խարդախության և հողերի ապօրինի յուրացման կասկածանքով: Անցյալ կիրակի նրա տունը խուզարկվել է, և ինքը՝ Ծառուկյանը, հարցաքննվել է: 

«Վերջերս Ծառուկյանը մեղադրեց ՀՀ վարչապետ Նիկոլ Փաշինյանին և նրա կառավարությանը՝ տնտեսությունը խեղաթյուրելու և կորոնավիրուսային համաճարակի դեմ անարդյունավետ պայքար մղելու մեջ: Երեքշաբթի օրվա դրությամբ Հայաստանը՝ 3 միլիոն բնակչությամբ, գրանցել է 17 489 հաստատված կորոնավիրուսային հիվանդության և 293 մահվան դեպք։ Այն Հարավային Կովկասի տարածաշրջանում ամենատուժած երկիրն է: Կառավարությունն այժմ ակնկալում է, որ տնտեսությունն այս տարի կտուժի 2%֊ով այն բանից հետո, երբ նախապես կանխատեսում էր 4,9% աճ: 

Փաշինյանն ու իր կուսակցությունը իշխանության եկան երկու տարի առաջ՝ կոռուպցիայի դեմ խաղաղ հեղափոխությունից հետո: 2018 թվականի դեկտեմբերին կայացած խորհրդարանական ընտրություններում Ծառուկյանի կուսակցությունը 132 տեղերից զբաղեցրեց 26-ը: Կուսակցության անդամներից ոմանք միացան Փաշինյանի կաբինետին, բայց շուտով նրանք ազատվեցին աշխատանքից»,- նշում է NYT-ը:

Այս թեմայով Նիկոլա Անելկան հանդիպել է Գագիկ Ծառուկյանի հետ Գագիկ Ծառուկյանն ու հազվագյուտ ցեղատեսակի առյուծիկը (տեսանյութ) Ցանկանում եմ, որ ուսումնառության բոլոր տարիներին ձեզ ուղեկցի գիտելիքներ ստանալու ծարավն ու բարձր առաջադիմությունը. Ծառուկյան Կրկին շեշտեմ՝ մոնումենտալ արձանը եկեղեցական կառույց չէ. Գ. Ծառուկյան «Սահմանադրության կարևորագույն առաքելությունը հասարակական համերաշխության ապահովումն է». Գագիկ Ծառուկյանի ուղերձը Պատմության դասն ու պատգամն է մեզ՝ լինել միասնական, լինել համախմբված ազգային երազանքների․ Գ․ Ծառուկյան «Սա Աստծու տված գործ ա, պետք է լինի ամենա-ամենան». Ծառուկյանը՝ Քրիստոսի արձանի մասին «Հավատքն աշխարհում ամենաուժեղ զենքն է». Գագիկ Ծառուկյան «Փաստ». Ծառուկյանի հայտարարած մրցույթին մասնակցելու 100-ից ավելի հայտ կա «Փաստ». Գագիկ Ծառուկյան. Որոշ պարզաբանումներ Քրիստոսի արձանի թեմայով