«Օլիգարխը Փաշինյանին կառավարման համար ընդամենը երեք ամիս է տվել»․ Независимая Газета

Ռուսական «Независимая Газета»֊ն անդրադարձել է Հայաստանում օրերս տիրող իրավիճակին, մասնավորապես՝ ԲՀԿ առաջնորդ Գագիկ Ծառուկյանի՝ ՀՀ խորհրդարանի կողմից անձեռնմխելիությունից զրկելու գործընթացին։ Պարբերականը գրում է․ «Հայաստանի Ազգային ժողովի (Խորհրդարանի) պատգամավորները 87 կողմ ձայներով հանրապետության գլխավոր դատախազի խնդրանքով զրկեցին անձեռնմխելիությունից «Բարգավաճ Հայաստան» ընդդիմադիր խմբակցության ղեկավար, օլիգարխ Գագիկ Ծառուկյանին: Խորհրդարանի երկու ընդդիմադիր խմբակցությունները բոյկոտեցին քվեարկությունը։ Իշխող «Իմ քայլը» կուսակցության երկու պատգամավորները չքվեարկեցին, բայց դա չազդեց իրավիճակի վրա: Հաջորդ հարցը, որը կքննարկեն պատգամավորները, Ծառուկյանին կալանավորելու գլխավոր դատախազի երկրորդ միջնորդությունն է:

Գագիկ Ծառուկյանի պատգամավորական անձեռնմխելիության հարցի քննարկումը տեղի ունեցավ նրա կողմնակիցների կողմից փողոցային գործողությունների ֆոնին: Ըստ երևանյան աղբյուրների՝ նրանք հիմնականում օլիգարխ ձեռնարկությունների աշխատակիցներ են: Կեսօրվա դրությամբ Երևանի ոստիկանությունը ձերբակալեց ավելի քան 100 մարդու, որոնց թվում նաև հայտնի մարզիկներ էին: Մասնավորապես, ոստիկանությունը բերման ենթարկեց հունահռոմեական ըմբշամարտի Եվրոպայի կրկնակի չեմպիոն, օլիմպիական մեդալակիր Ռոման Ամոյանին: Ծառուկյանին մարզիկների սատարելն ու հանրահավաքին մասնակցելը պարզապես բացատրվում է նրանով, որ օլիգարխը Ազգային օլիմպիական կոմիտեի (ՀԱՕԿ) նախագահն է և հաճախ անձամբ ֆինանսավորում է տարբեր մարզաձևերում հայ մարզիկների մարզումն ու մասնակցությունը: Մինչ համակիրները փողոցում աղմուկ էին բարձրացնում, Ծառուկյանն ինքը, խորհրդարանական տրիբունայից ելույթի ժամանակ, կենտրոնացավ այն փաստի վրա, որ կառավարությունը տապալվել է և պետք է հրաժարական տա հանուն Հայաստանի ներկայի և ապագայի: Այսպիսով, Ծառուկյանն ասաց, որ Կառավարության հրաժարականի պահանջը հույզերի արդյունք չէ։ Ինքը այս եզրակացությանն է հանգել ուսումնասիրությունից հետո, թե ինչ է կատարվում երկրում՝ սոցիալական, քաղաքական, տնտեսական, արդյունաբերական, գյուղատնտեսական և առողջապահական ոլորտներում: «Դուք չեք կարող ղեկավարել երկիրը Ֆեյսբուքի միջոցով։ Դուք պետք է քայլ կատարեք իրական կյանքում և տեսնեք, թե ինչ է տեղի ունենում, ինչպես են մարդիկ ապրում: Խոստումներ են տրվել երկու տարի առաջ ... և ոչինչ էլ չի արվել: Ընդհակառակը, ամեն ինչ արդեն քանդվել, ձախողվել է», - ասաց Ծառուկյանը՝ շեշտելով, որ գործող իշխանությունը երկու-երեք ամիս է մնացել, ոչ ավելին:

Ազգային անվտանգության ծառայությունը Գագիկ Ծառուկյանի դեմ երեք քրեական գործ է հարուցել։ Դրանք են ապօրինի խաղային գործունեությունը, որի արդյունքում պետությանը պատճառվել է ավելի քան 60 միլիոն դոլարի վնաս, 2017-ի ընտրարարշավի ընթացքում քվեների գնումը և խարդախություններ՝ կապված հողամասերի հետ: Ըստ տարբեր աղբյուրների՝ օլիգարխին սպառնում է առնվազն հսկայական տուգանք կամ նույնիսկ բանտարկություն»:

Այս թեմայով Մայիսի 15-ին ստորագրվելու է 4 գյուղերի հանձնման պայմանագիրը. պայմանավորվել են այսօր սահմանազատման համար հանդիպած կողմերը Հայաստանում մի շարք ծառայություններ ամբողջ բնակչության համար պետպատվերով են․ ԱՆ Մանկապարտեզում այսուհետ երկարօրյա խումբ կբացվի նույնիսկ մեկ երեխայի համար Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են Առաջարկում եմ Փաշինյանին անձամբ «զննել» հրթիռները. Դավիթ Տոնոյան «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Ավետիք Չալաբյանը 1 մլն դրամ է փոխանցել Սամվել Վարդանյանի գրավի համար Սամվելի դեպքը այլանդակության գագաթնակետն է, աղմուկը շատ էր, դրա համար կալանք չկիրառվեց ԼՂ-ից բռնի տեղահանված ուսուցիչների համար նախատեսված հատկացումները կբաշխվեն ըստ մարզերի Արթուր Վանեցյանը 1 մլն դրամ է փոխանցել Սամվել Վարդանյանի գրավի համար