Գեղարքունիքում բնակարանային գողության և գողության փորձի դեպքերը բացահայտվել են

ՀՀ քննչական կոմիտեի Գեղարքունիքի մարզային քննչական վարչությունում  իրականացված քննչական և դատավարական այլ գործողությունների արդյունքում բացահայտվել են Գեղարքունիքի մարզում կատարված բնակարանային գողության և գողության փորձի դեպքերը:

Քննությամբ ձեռք բերված տվյալների համաձայն՝ ուրիշի գույքի գաղտնի հափշտակություն կատարելու դիտավորությամբ, 30-ամյա տղամարդը, գործով չպարզված անձի հետ նախնական համաձայնությամբ, 2019թ. դեկտեմբերի 11-ին՝ ժամը 02:30-ի սահմաններում, դիմակավորված և ձեռնոցներով, ապօրինի մուտք են գործել Երևան քաղաքի բնակչին պատկանող՝ Բերդկունք համայնքում գտնվող տան բակ: Երբ ցանկացել են կացնի միջոցով բացել տան պատշգամբի դուռը, միացել է անվտանգության ձայնաազդանշանային համակարգը, և վերջիններս, իրենց կամքից անկախ հանգամանքներով հանցագործությունը ավարտին չհասցնելով, դիմել են փախուստի:

Բացի դրանից՝ նշված բնակարանից փախուստի դիմելուց հետո՝ նույն օրը՝ ժամը 02:40-ի սահմաններում, վերջիններս դանակի գործադրմամբ բացել են Հայրավանք համայնքում գտնվող տան պատուհանը, գործով չպարզված անձը ապօրինի մուտք է գործել ներս, վերցրել է տեսաձայնագրող սարքը, որը դրսում կանգնած 30-ամյա տղամարդը տեղափոխել է «Օպել Աստրա» մակնիշի  ավտոմեքենան՝ այդ կերպ հափշտակելով նշված սարքը:

Ձեռք բերված բավարար ապացույցների համակցությամբ՝ 30-ամյա տղամարդուն մեղադրանք է առաջադրվել՝ ՀՀ քրեական օրենսգրքի 34-177-րդ հոդվածի (գողության փորձ) 3-րդ մասի 1.1-րդ կետով և 177-րդ հոդվածի (գողություն) 3-րդ մասի 1.1-րդ կետով: Նրա նկատմամբ որպես խափանման միջոց է ընտրվել կալանավորումը:

30-ամյա տղամարդու մասով նախաքննությունն ավարտվել է, և  քրեական գործը՝ մեղադրական եզրակացությամբ, ուղարկվել է դատարան, իսկ վերջինիս հետ նախնական համաձայնության եկած ու գործով չպարզված անձի կամ անձանց մասն անջատվել է, առանձնացվել առանձին վարույթում, որով  նախաքննությունը շարունակվում է:

Այս թեմայով Բացահայտվել է ընդհանուր ավելի քան 13 կգ «Հերոին», «Մեթամֆետամին» և «Մարիխուանա» տեսակի թմրամիջոցների մաքսանենգության դեպք Նոր-Զովք սուպերմարկետի շուրջ աղմկահարույց դեպքերը շարունակվում են Բացահայտվել է թեյի օգտակարությունը COVID-19-ի դեմ պայքարում Հայաստանում մայրական մահացության դեպքերը նախորդ տարի նվազել են Բացահայտվել է տնտեսվարող սուբյեկտի կողմից առանձնապես խոշոր չափերով հարկեր չվճարելու դեպք Փոխվարչապետը նոր մանրամասներ ներկայացրեց ԼՂ-ից բռնի տեղահանվածների բնակարանային ապահովման ծրագրից Բացահայտվել է թմրամիջոցների շրջանառության հերթական դեպքը․ Արարատի մազի բնակիչը կալանավորվել է Ես պիտի տուն գնամ ու ով փորձի խանգարել՝ իմ թշնամին է. արցախցի պատգամավոր Դատարանի շենքի մոտ կատարված սպանության փորձի վերաբերյալ վարույթի նյութերն ուղարկվել են դատարան. 40-ամյա տղամարդը կալանավորված է Բացահայտվել է առանց ակցիզի ծխախոտ և կեղծ օղի վաճառելու դեպք. (տեսանյութ)