«Անհասկանալի է շտապողականությունն այն ուժի կողմից, որը պատասխանատու է կորոնավիրուսի դեմ պայքարի ձախողման համար»

Սահմանադրագետ Գոհար Մելոյանն իր ֆեյսբուքյան էջում գրել է․ 

«Այսօր՝ հունիսի 22-ին՝ ժամը 13:00-ին, Ազգային ժողովը գումարել է արտահերթ նստաշրջան՝ օրակարգում ընդգրկելով Հայաստանի Հանրապետության Սահմանադրության փոփոխությունների նախագիծը։

Նախագիծն ակնհայտ հակասահմանադրական է, եւ, ինչպես հասկանում ենք, հակասահմանադրական ճանապարհով էլ իշխող ուժը պատրաստվում է կյանքի կոչել՝ հայտնվելով Քրեական օրենսգրքի տիրույթում (300-րդ հոդված՝ իշխանության յուրացում, 300.1-րդ հոդված՝ սահմանադրական կարգի տապալում):

Անհասկանալի է այս անբնական շտապողականությունն այն ուժի կողմից, որը պատասխանատու է նոր կորոնավիրուս վարակի դեմ պայքարի ձախողման եւ արդյունքում՝ շուրջ 400 մահվան դեպքերի համար։

Սցենարն արդեն ծանոթ է։

Գիտակցելով, որ Վենետիկի հանձնաժողովն իր խորհրդատվական կարծիքում հանդես է եկել կոշտ քննադատությամբ առ այն, որ ներկայացված նախագիծը չի համապատասխանում իրենց խորհրդատվություններին, իշխող ուժը որոշեց մինչ դրա հրապարակումն ընդունել վերոնշյալ նախագիծը՝ խախտելով Սահմանադրության, «Սահմանադրական դատարանի մասին» եւ «Ազգային ժողովի կանոնակարգ» սահմանադրական օրենքների կարգավորումներն ու պահանջները։

Ի տարբերություն նախորդ նմանաբնույթ իրավիճակների, երբ շրջափակվեցին օրենսդիր մարմինը, դատարանները եւ այլն, եւ Քրեական օրենսգրքով նախատեսված հանցագործության հատկանիշների որակումներից իշխող ուժի ներկայացուցիչները հնարավորինս խուսափում էին՝ պատասխանատվությունը բարդելով ժողովրդի վրա, այս դեպքում նրանք այդ հնարավորությունը չեն ունենալու։

Այս ապօրինի գործընթացին մասնակցող յուրաքանչյուր պատգամավոր իր քվեարկությունից առաջ պետք է մեկ անգամ եւս մտածի իր ապագայի մասին, քանի որ մասնակից է լինելու Հայաստանի Հանրապետության՝ որպես իրավական պետության վերացման գործընթացում։

Հ. գ. Ձեզ մոլորեցրել են՝ ասելով, որ հետագայում օգտվելու եք մանդատի անձեռնմխելիությունից»։

Այս թեմայով Մայիսի 15-ին ստորագրվելու է 4 գյուղերի հանձնման պայմանագիրը. պայմանավորվել են այսօր սահմանազատման համար հանդիպած կողմերը Օտարերկրյա քաղաքացիների կողմից խուլիգանություն կատարելու վարույթի նախաքննությունն ավարտվել է Էթնիկ հայերը խոշտանգվել են ադրբեջանական զինված ուժերի կողմից. լսումներ՝ ՄԱԿ-ի դատարանում (տեսանյութ) Հայաստանում մի շարք ծառայություններ ամբողջ բնակչության համար պետպատվերով են․ ԱՆ Քննիչն ասել է, որ ՔՊ-ի կողմից հնչեցված «ականջներդ ու լեզուդ կկտրեմ»-ը քաղաքական գնահատական է Մանկապարտեզում այսուհետ երկարօրյա խումբ կբացվի նույնիսկ մեկ երեխայի համար Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Ավետիք Չալաբյանը 1 մլն դրամ է փոխանցել Սամվել Վարդանյանի գրավի համար Վայոց ձորում իրանական համարանիշերով բեռնատարը կողաշրջվել է