Եթե ԼՀ-ն սկզբունքային ընդդիմություն է, պետք է միանա ԲՀԿ-ի կոչին. Ավետիք Իշխանյան
ԲլոգոսֆերաԻրավապաշտպան Ավետիք Իշխանյանը ֆեյսբուքյան իր էջում գրել է. «Ավելորդ հավակնություննե՞ր, թե՞ ընդդիմախաղ
ԲՀԿ-ն հայտարարություն է տարածել, որ պատրաստվում է դիմել ՍԴ և կոչ է անում ԼՀ-ին՝ միանալ ստորագրահավաքին։
Կարծում եմ, որ եթե ԲՀԿ-ն անկեղծ ցանկանում է դիմել ՍԴ, ապա նախքան հայտարարություն տարածելը, պետք է բանակցեին ԼՀ-ի հետ, նույն ՍԴ դիմելու համար, և վերջինիս չմիանալու դեպքում, նոր հայտարարություն տարածեր։
Ենթադրում եմ, որ ԲՀԿ-ն, նախապես իմանալով, որ ԼՀ-ն չի միանալու, իրեն ապահովագրում է և ապահովում իր հետագա «հերոսացումը»։ Հարց է՝ եթե ԼՀ-ն նույն հայտարարությամբ հանդես գար, կմիանա՞ր արդյոք ԲՀԿ-ն, ինչպես չմիացավ, նույնպես հակասահմանադրական հանրաքվեի մասին օրենքի դեմ, այն անգամ ԼՀ-ի նախաձեռնությանը։ Ամեն դեպքում, եթե ԼՀ-ն սկզբունքային ընդդիմություն է, ապա պետք է մոռանա ավելորդ հավակնությունները և միանա ԲՀԿ-ի կոչին։ Տեսնենք, գուցե, այդ ժամանակ էլ ԲՀԿ-ն հրաժարվի»։