«Երանի մեռնես, որպեսզի աշխարհը մի քիչ շունչ քաշի»․ վրացի լրագրողը՝ Պուտինին․ ГрузияOnline
ՎրաստանՀունիսի 21-ին վրացական «Mtavari Arkhi» հեռուստաալիքի լրագրող Գեորգի Գաբունիան նորից ռուսերենով դիմել է Ռուսաստանի նախագահ Վլադիմիր Պուտինին՝ անպարկեշտ բառապաշար օգտագործելով: «Փոստ-ֆակտում» խորագրով իր ծրագրում հաղորդավարն ասել է, որ ինքը «խոսքի զինվոր է»: Եվ գտնվելով ռազմի դաշտում՝ նա օգտագործում է իր զենքը` բառը: Իր խոսքում լրագրողը մի քանի անգամ հայտարարել է, որ չի վախենում մահից: Գաբունիան չի կասկածում իր նկատմամբ Պուտինի կողմից մահափորձի նախապատրաստման վերաբերյալ վարկածի ճշգրտության մասին, որին աջակցում է նաև Չեչնիայի Հանրապետության ղեկավար Ռամզան Կադիրովը: Նա նաև ասել է, որ «իմ ամբողջ սրտով» ցանկանում է, որ Պուտինը մահանա, «որպեսզի ամբողջ աշխարհը գոնե մի փոքր շունչ քաշի»: «Իմ խոսքերը հասցեագրվում են անձամբ Պուտինին և նրա ստրուկներին, և ոչ թե ամբողջ ռուս ժողովրդին: Ես Վլադիմիր Պուտինին չեմ հավասարեցնում ռուս ազգի հետ: Ես հարգում եմ ռուս ժողովրդին և սիրում եմ նրանց մշակույթը»: Լրագրողը խոստացել է, որ երբեք ծնկի չի գա Պուտինի առջև: Իր մենախոսության ավարտին հեռուստահաղորդավարը վստահություն է հայտնել, որ Վրաստանի մեծ մասը Պուտինի մասին մտածում է այնպես, ինչպես ինքը, և ապա անցել է ռուսերենի․ «Վոլոդյա, դու իմ սիրելին ես, Վովոչկա․․․ Ես մտածում էի, որ կպղծեմ քո գերեզմանը: Դե, ես իսկապես խոստացել էի, բայց ես դա չեմ անելու: Դու դրան արժանի չես»:
Հիշեցնենք, որ ավելի վաղ Գաբունիան Պուտինի մասին իր անպարկեշտ արտահայտությունների համար հետապնդվում էր ռուս տղամարդու կողմից, ով փորձում էր սպանել նրան։ Ավելի ուշ վրացական իշխանությունները Գաբունիային պետական հովանավորչության տակ վերցրեցին՝ պաշտպանելու սպանության սպառնալիքից։