Վրաստանի խորհրդարանն ընդունել է ընտրությունների վերաբերյալ սահմանադրական փոփոխությունների օրինագիծը
ՎրաստանՎրաստանի խորհրդարանն այսօր115 կողմ ձայնով երկրորդ ընթերցմամբ ընդունեց սահմանադրական փոփոխությունների մասին օրինագիծը, որը պատրաստված էր ընտրական համակարգը փոփոխելու նպատակով: «Միասնական ազգային շարժում» կուսակցության խմբակցությունն այս անգամ քվեարկությանը չմասնակցեց: «Եվրոպական Վրաստան» խմբակցությունը, որն առաջին ընթերցմամբ աջակցեց սահմանադրական փոփոխությունների օրինագծին, նույնպես չմասնակցեց երկրորդ ընթերցման փոփոխությունների քննարկմանը։ Նոր սահմանադրությամբ առաջարկվող ընտրությունները մաս են կազմում մարտի 8-ին իշխող «Վրացական երազանք» կուսակցության և ընդդիմության միջև ձեռք բերված համաձայնության, որը կնքվեց ԱՄՆ դեսպանատան և ԵՄ պատվիրակության միջնորդությամբ: Այս համաձայնագրի մի մասը նաև քաղաքական հետապնդումների դադարեցումն է և քաղբանտարկյալների ազատ արձակումը: Ներկայումս ընդդիմությունը պահանջում է ազատել երկրում ընդդիմադիր հեռուստաալիքի բաժնետեր Մթթարի Արչիին, Գեորգի Ռուրուրին, որը կալանավորվել էր 2019-ի նոյեմբերին՝ ապօրինի զենք պահելու համար: Ըստ սահմանադրության նախագծի՝ Վրաստանում 2020 թվականի խորհրդարանական ընտրություններն անցկացվելու են խառը համակարգով։ Միևնույն ժամանակ, առաջարկվող սահմանադրական փոփոխությունների նախագծի համաձայն՝ 40%-ից պակաս քվե ստացած կուսակցությունը կամ ընտրական դաշինքը չի կարողանա միանձնյա ձևավորել խորհրդարանական մեծամասնություն և կառավարություն: