Իրավապահները ծանրաբեռնված են․ Դանիել Իոաննիսյանն «ինքն իրեն կտուգանի» 10 000 դրամով

«Դեռ չեմ դիմել իրավապահներին և մտածում եմ նրանց չծանրաբեռնելու համար ուղղակի 10 000 դրամ փոխանցեմ կորանավիրուսի դեմ պայքարի պետական հաշվեհամարին»,- այս մասին ԼՈՒՐԵՐ․com-ի հետ զրույցում ասաց «Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը՝ անդրադառնալով երեկ արված հայտարարությանը, թե օրենքը բոլորի համար է, և ինքը  պատրաստվում է դիմել ոստիկանություն, որպեզի տուգանվի դիմակ չկրելու համար:

Հարցին՝ քաղաքացու կողմից արված հրապարակումից հետո՞ էր որոշել արձագանքել, թե մինչ այդ էր նկատել, որ կանոն է խախտել․ «Ես չէի հիշում, որ դիմակ չէի դրել, քաղաքացին գրել էր, որ աշխատասենյակից առանց դիմակ եմ դուրս եկել և մոտեցել մեքենայիս։ Փորձեցի հիշել և հասկացա, որ աշխատասենյակից եմ առանց դիմակ դուրս եկել, մարդ եմ մոռացել եմ։ Հասկացա, որ քաղաքացին ճիշտ է ասում։ Իհարկե, նա կարող էր ինձ տեղում ասել, որպեսզի սխալս ուղղեմ, բայց նախընտրել էր հրապարակել, ինչը իր իրավունքն է։ Ես իհարկե կարող էի բերել հակափաստարկ, որ ընդամենը 30 մետր եմ քայլել ու ոչ ոքի հետ չեմ շփվել, բայց որպես հանրային գործիչ, որը խիստ պահանջում է հետևել հակահամաճարակային կանոններին, ինձ թվում է՝ նախ ինքս պետք է անբիծ պահվածք ցուցաբերեմ։ Հետո չասեն՝ Դանիել, դու այնինչ օրը դիմակ չես կրել և չես տուգանվել։ Չշահարկելու համար որոշեցի  10 000 դրամ պետությանը վճարել, որպեսզի որևէ մեկի մոտ հարց չառաջանա»,- նշեց նա։  

Իոաննիսյանն  ասաց, երբ հստակ որոշի, թե գնում է ոստիկանություն իր դեմ գործ հարուցելու կամ պարզապես 10 000 դրամ վճարելու պետությանը՝ այդ մասին համապատասխան փաստաթուղթ կհրապարակի։

Այս թեմայով Օդի աղտոտման համար տուգանվել է բեռնատարի 27 վարորդ 11 ամսում մգեցված ապակիներով մեքենան վարող 28 հազար վարորդ է տուգանվել Վրաստանում դեղագործական ընկերությունները տուգանվել են դեղերի կարտելային գներ սահմանելու համար Պանրի բաղադրությանը չհամապատասխանող պանիր վաճառելու համար ընկերությունը տուգանվել է 32 միլիոն դրամով Գաբոնը պահանջել է վերադարձնել 4,4 միլիոն եվրոյով վաճառված դիմակը Թրամփը տուգանվել է 10 000 դոլարով Տիգրան Ավինյանը տուգանվել է «Գազել» վարելու համար «Մենք տուգանվել ենք թերլիցքավորման համար». ԱԳԼՃԿ-ների նոր պատիժը` գործողության մեջ Բագրատ Նավոյանի անվայել պահվածքի և ոչ մարզական պահվածքի համար Ալաշկերտը տուգանվել է 180 հազար դրամով 84 դեպքով հարկ վճարող ՀԴՄ կանոնների խախտման համար տուգանվել է 1 մլն դրամից ավելի գումարով