ՊՆ Ռազմական ոստիկանությունը բացահայտել է կաշառք տալու, կաշառք ստանալու դեպքեր

2020թ․ հունիսի 17-ին ՀՀ ՊՆ ռազմական ոստիկանության աշխատակիցների կողմից լայնածավալ օպերատիվ հետախուզական միջոցառումների արդյունքում պարզվել է, որ քաղաքացի Վ.Հ.-ն 2018թ-ի մարտին հանդիպել է ոմն Ռ.Մ.-ին, ով նախկինում աշխատել է ՀՀ ԶՈՒ-ում և վերջինիս հետ համաձայնության է եկել իր որդուն, ազատի պարտադիր զինվորական ծառայությունից, որի դիմաց Ռ.Մ.-ն հանդիպման ժամանակ պահանջել է հարցի լուծման համար 7.000 ԱՄՆ դոլար գումար:

Այնուհետև քաղաքացի Վ.Հ.-ն առձեռն Ռ.Մ.-ին փոխանցել է 6500 ԱՄՆ դոլար, իսկ մնացած 500 ԱՄՆ դոլարը խոստացել է փոխանցել վերջում:

Դեպքի առթիվ 18.06.2020թ.-ին ՀՀ ՊՆ ռազմական ոստիկանությունում 18.06.2020թ.-ին ՀՀ քրեական օրենսգրքի 34-312-րդ հոդվածի 3-րդ մասի 1-ին կետով և 178-րդ հոդվածի 3-րդ մասի 1-ին կետով հարուցվել է քրեական գործ:

2020թ․ ՌՈ աշխատակիցների կողմից հունիսի 18-ին օպերատիվ տվյալներն իրացնելիս կաշառք տալու և ստանալու ևս մեկ դեպք է բացահայտվել, որտեղ 2018թ-ի նոյեմբեր ամսին, N զորամասի նախկին զինծառայող, Ա.Մ.-ն նույն զորամասում հայտնաբերված խաղտումը թաքցնելու համար, որպես կաշառք, Յ.Հ.-ից պահանջել է 600.000 ՀՀ դրամ գումար՝ որպեսզի հայտնաբերված խախտումները չփաստաթղթավորելով թաքցնի: Այնուհետև Յ.Հ.-ն ձեռք բերված պայմանավորվածությամբ Ա.Մ.-ին որպես կաշառք տվել է 300.000 ՀՀ դրամ:

Դեպքի առթիվ ՀՀ ՊՆ ռազմական ոստիկանությունում 22.06.2020թ.-ին ՀՀ քր. օր.-ի 311-րդ հոդվածի 2-րդ մասով և ՀՀ քր. օր.-ի 312-րդ հոդվածի 2-րդ մասով հարուցվել է քրեական գործ:

ՌՈ աշխատակիցների կողմից օպերատիվ տվյալներն իրացնելիս հունիսի 19-ին կաշառք տալու և ստանալու ևս մեկ դեպք է բացահաըտվել N զորամասի Ա.Մ.-ն, 2016թ.-ի հունվարի ընթացքում կատարել է նույն զորամասի իրային պահեստի նյութական միջոցների ստուգում և հայտնաբերելով 50.000 ՀՀ դրամ գումարին համարժեք նյութական միջոցների պակասորդ, տվյալ պահեստի պետ Ս.Ս.-ի օգտին իր լիազորությունների շրջանակում որևէ գործողություն չկատարելու, որպես կաշառք Ս.Ս․-ից պահանջել և 2016թ.-ի փետրվարի ընթացքում նրանից անձամբ ստացել է 50.000 ՀՀ դրամ գումար:

Դեպքի առթիվ ՀՀ ՊՆ ռազմական ոստիկանությունում 22.06.2020թ.-ին ՀՀ քր. օր.-ի 311-րդ հոդվածի 1-ին մասով և ՀՀ քր. օր.-ի 312-րդ հոդվածի 1-ին մասով հարուցվել է քրեական գործ:

Այս թեմայով 8,800 դոլար և 5 մլն դրամ կաշառք ստանալու մեջ մեղադրվող պաշտոնյաների վարույթի նյութերը դատարանում են Դիարբեքիրում ձայն հավաքելու համար իշխող կուսակցության թեկնածուն ավելի քան 61.000 դոլար կաշառք է տվել Բացահայտվել են ոստիկանության պաշտոնյաների կողմից կաշառք ստանալու դեպքեր Հետախուզվում էր խարդախության և կաշառք ստանալու մեղադրանքով Բացահայտվել են Միասնական սոցիալական ծառայության պաշտոնյայի կողմից կաշառք ստանալու մի շարք դեպքեր Կաշառք տալու մեղադրանքով հետախուզվում էր ՌԴ իրավապահների կողմից Բացահայտվել են ՀՀ ՊԵԿ պաշտոնատար անձանց կողմից կաշառք ստանալու և պաշտոնեական կեղծիք կատարելու դեպքեր Կաշառք տալու մեղադրանքով հետախուզվողը հայտնաբերվեց «Զվարթնոց» օդանավակայանում 28 հազար դոլար կաշառք ստանալու մեջ մեղադրվող ՊՆ պաշտոնյայի մասով քրվարույթի նյութերը դատարանում են Կաշառք չկա, բարեկամին տենդեր նվիրել չկա, ՔԿ-ն թող ասի՝ ի՞նչ է չարաշահել իմ տեղակալը. Քերոբյան