Իսկապե՞ս հրաժարվել եմ հանցագործության մասին հաղորդում տալ. Սմբատ Գոգյանի պարզաբանումը

Քանի որ լրագրողները շատ են հարցնում` իսկապե՞ս հրաժարվել եմ հանցագործության մասին հաղորդում տալ, կարիք կա պարզաբանման։ Այդ մասին ֆեյսբուքյան գրառում է արել Բարձրագույն որակավորման կոմիտեի նախկին նախագահ Սմբատ Գոգյանը:

«Երբ նախարար պարոն Արայիկ Հարությունյանի մայիսի 25-ի հաղորդման հիման վրա Հատուկ քննչական կոմիտեն ինձ հրավիրեց ցուցմունք տալու, հանցագործության մասին հաղորդում արդեն տրված էր: Նախարարի կողմից։ Գործն ուսումնասիրելիս ես ներգրավվել եմ որպես վկա և հնարավոր մեղադրյալ, եթե պարզվեր սուտ մատնության հանցակազմը։ Քննիչի բոլոր հարցերին պատասխանել եմ, ու քննիչը վերջում գործը կարճել է, ինչը ես ընկալում եմ որպես իմ ներկայացրած փաստերի ճշմարտացիության ամրագրում, իսկ քննիչն ասում է. «Հարգելինե՛րս, այս հարցը ես քրեաիրավական դաշտում չեմ դիտարկում, գնացե՛ք աշխատանքային ռեժիմով հարցը լուծեք»։

Բնականաբար, քննիչը գիտնական կամ կրթության/գիտության կառավարիչ չէ։ Հենց աշխատանքային հարաբերություններում էլ կարևոր են արժեքային ու մասնագիտական որակները, որոնց մասին էլ ես ի սկզբանե խոսել եմ։

1) Առաջին պարբերությամբ քննիչը փաստում է, որ փոխկապակցված անձանց առկայությունը հանձնաժողովում չի համարում պաշտոնական քրեորեն պատժելի, առավել ևս որ հանձնաժողովն ամբողջությամբ չի հերքել արտագրության դեպքերը։ Նշեմ, որ գործի մեջ ցուցմունք կա (այլ անձի կողմից), որ հանձնաժողովը սկզբնական եզրակացությամբ հերքել է արտագրության հանգամանքն ընդհանրապես, սակայն մամուլում մամուլում բարձրացված աղմուկից հետո որոշ չափով փոխվել է։ Կոնկրետ ինձ համար սա անթույլատրելի պրակտիկա է։

2) Գործ չհարուցելու հիմնավորման երկրորդ պարբերության ձևակերպումը զուտ իրավական է, ու կրկին արժեքային հարց է, մենք նորմա՞լ ենք համարում գրագող ռեկտոր ունենալու փաստը, թե՞ ոչ։ Այս հարցի պատասխանը հստակ պետք է ձևակերպի կրթության և գիտության գծով ռազմավարություն մշակող մարմինը՝ ամենաբարձր մակարդակով։ Այս հարցին քննիչը չի կարող պատասխանել։

3) Երրորդ պարբերությունը չեմ մեկնաբանի, իսկ չորրորդ և հինգերորդ պարբերություններն ընդհանրապես կապ չունեն թեմայի հետ։ Շատ ուրախ եմ, որ կոլեկտիվն աջակցում է իր ղեկավարին, բայց դա իմ ու քննիչի գործը չէ։ Նման օրինակներ բազմաթիվ են թե՛ կրթական, թե՛ առողջապահական, թե՛ դատական համակարգերում: Ընդ որում, տվյալ միջավայրը հաճախ լինում է անառողջ, երբեմն` թունավոր։

Արժեք ու միտք ստեղծելը բարդ գործ է, բայց ստեղծելու համար պարտադիր պայման է սեփական արժեքներիդ չդավաճանելը։ Հետհեղափոխական շունչը վճռական էր, սկզբնական փուլում` անզիջում, ինչ արդյունքում որոշ մարդիկ թողեցին իրենց պաշտոնները, և չպետք է թույլ տանք` այդ շունչը մարի կոնկրետ մարդու անձնական շահերին բախվելիս»,– գրել է նա:

Այս թեմայով Միջազգային օլիմպիադայում Վահան Քերոբյանը կիսել է 339-359 տեղերը. Սմբատ Գոգյան Ալիևը փորձում է անել այն, ինչ չստացվեց Տեր-Պետրոսյանի մոտ՝ ավարտել պատերազմը, քանի ուժեղ ես Մահացել է ազատամարտիկ Սմբատ Հակոբյանը Խաբածներդ ու դրանց մասին էմոցիաները շատ ավելի թարմ են, ժողովուրդը չի գա հրապարակ. Գոգյան «Իրենք շատ են ու իրենցից որևէ մեկի գործակալ լինելու մասին ձեզ երբեք չեն ասի. ԱԱԾ երբեք թույլ չի տա» Ի՞նչ փոփոխությունների կենթարկվի Լիբանանի հայկական համայնքը․ Սմբատ Գոգյան Արայիկ Հարությունյանը՝ Սմբատ Գոգյանի աշխատանքից ազատման դիմումի մասին Երեք օր հրաժարականիցս արդեն անցել է, հնարավոր չէ հետ վերցնել. Սմբատ Գոգյան (տեսանյութ) Իրավապահ մարմինները պետք է Սմբատ Գոգյանից վերցնեն բացատրություն՝ իր իսկ հայտարարությունների կապակցությամբ․ նախարար Սցենարի ամբողջականության համար պակասում է ՀՊՏՀ դասախոսների արձագանքը. Սմբատ Գոգյան