ՔԿ կենտրոնական վարչական շենքում աշխատակիցները չեն հետևել պարետատան պահանջներին․ ՔԿ նախագահն արձագանքել է

Այսօր՝ հունիսի 25-ին, ՀՀ քննչական կոմիտեում տեղի է ունեցել խորհրդակցություն՝ կորոնավիրուսային համավարակով պայմանավորված հայտարարված արտակարգ դրության պայմաններում սահմանված կարգի եւ կանոնների պահպանման, մասնավորապես՝ պաշտպանիչ դիմակների կրման կարգի, արձանագրված խախտումների վերաբերյալ, որը վարել է ՀՀ քննչական կոմիտեի նախագահ Հայկ Գրիգորյանը: Այս մասին հայտնում է ՀՀ քննչական կոմիտեի տեղեկատվության եւ հասարակայնության հետ կապերի բաժինը։

ՀՀ քննչական կոմիտեի նախագահին զեկուցվել է, որ հունիսի 1-4-ը արտակարգ դրության ժամանակահատվածում Քննչական կոմիտեի կենտրոնական վարչական շենքում եղել են աշխատակիցներ, որոնք խախտել են պարետատան կողմից հաստատված կարգը, ինչն արձանագրվել է տեսանկարահոնող սարքերով:

Հայկ Գրիգորյանը հանձնարարել է ՀՀ քննչական կոմիտեի համապատասխան՝ Ներքին անվտանգության վարչության եւ Դեպարտամենտի անցագրային բաժնի պետերին շարունակել մոնիտորինգի իրականացումը, զննել տեսախցիկների արձանագրած խախտումները եւ արդյունքների մասին զեկուցել անձամբ իրեն:

«Պահանջում եմ՝ Քննչական կոմիտեի նախագահի տեղակալներից, վարչությունների, բաժինների պետերից սկսած՝ պահպանել պաշտպանիչ դիմակի կրման կարգը»,- ասել է Հայկ Գրիգորյանը՝ եւս մեկ անգամ ընդգծելով, որ սահմանված կարգին չհետեւող աշխատակիցների կարգազանցության պատճառով կպատժվեն նաեւ վերջիններիս ղեկավարները:

Խախտումների կապակցությամբ որոշում է կայացվել Քննչական կոմիտեի 32 ծառայողի նկատմամբ որպես թույլ տրված խախտման հետեւանք՝ զրկել մեկ ամսվա պարգեւավճարից, իսկ 25 քաղծառյողների նկատմամբ Քննչական կոմիտեի գլխավոր քարտուղարի հրամանով, նշանակվել է ծառայողական քննություն եւ տրվել տույժ՝ խիստ նկատողություն:

Այս թեմայով Նոր նշանակումներ Քննչական կոմիտեում Պարզվել են փողերի լվացման առերևույթ դրսևորմներ Ստեփանավանում. քրգործ է հարուցվել Առերևույթ չարաշահումներ «Պրոֆեսոր Ռ. Հ. Յոլյանի անվան արյունաբանական կենտրոն» ՓԲԸ-ում. հարուցվել է քրեական գործ Միջադեպ` ՀՀ քննչական կոմիտեի աշխատակցի մասնակցությամբ. վերջինս ստացել է մարմնական վնասվածքներ ԱԺ արտահերթ ընտրություններին ընդառաջ քննչական կոմիտեի նախագահի հրամանով ստեղծվել է աշխատանքային խումբ Նոր նշանակում՝ ՀՀ քննչական կոմիտեում Մարտական հերթապահության կանոնները խախտելու եւ ծառայության նկատմամբ անփույթ վերաբերմունքի հոդվածներով հարուցվել է քրգործ ՀՀ քննչական կոմիտեի նախագահը պարգևատրել է ՊՆ ռազմական ոստիկանության մի շարք աշխատակիցներ Այս իշխանությունները թուրքի կամակատար են. ՔԿ գլխավոր վարչության նախկին պետ Թրաֆիքինգի դեպքի առթիվ հարուցված քրգործով մեղադրանք է առաջադրվել ընտանիքի երեք անդամի