ԲՀԿ-ն, ՀՅԴ-ն ու «Հայրենիքը»՝ Գլխավոր դատախազություն ներկայացրած հաղորդման մասին

ԲՀԿ, ՀՅԴ եւ «Հայրենիք» կուսակցությունների ստեղծած աշխատանքային խումբը հաղորդագրություն է տարածել:

Հայտարարությունում ասվում է. «Ինչպես հայտնի է, այսօր Բարգավաճ Հայաստան, Հայ Յեղափոխական Դաշնակցություն և Հայրենիք կուսակցությունների կողմից ՀՀ գլխավոր դատախազություն է ներկայացվել ընդհանուր առմամբ 9 էջից բաղկացած՝ ՀՀ Քրեական օրենսգրքի 3 հոդվածներով սահմանված հանցագործությունների մասին հաղորդում։ Ըստ էության, ներկայացված հաղորդումը միտված է օրենսդիր և գործադիր իշխանությունների, ինչպես նաև բարձրաստիճան այլ պաշտոնատար անձանց հանցակցությամբ  իրականացված իշխանության յուրացմանը իրավական գնահատական տալուն։

Սահմանադրական դատարանի և դրա առանձին դատավորների դեմ  նախաձեռնված և դատական իշխանությունը զավթելուն միտված գործողությունները սկսվել և շարունակվում են մեկ տարուց ավելի՝ նպատակ ունենալով Սահմանադրական դատարանում ձևավորել կառավարելի մեծամասնություն: Այլ խոսքով՝ Սահմանադրությամբ չնախատեսված եղանակով Սահմանադրական դատարանի երեք դատավորների լիազորությունները դադարեցնելու և Սահմանադրական դատարանի նախագահին պաշտոնավարումից զրկելու, ինչպես նաև նրանց փոխարեն այլ անձանց նշանակելու միջոցով օրենսդիր և գործադիր իշխանությունը ներկայացնող, ինչպես նաև այլ բարձրաստիճան մի խումբ պաշտոնատար անձինք` հանցակցությամբ, տիրանում են Սահմանադրական դատարանի լիազորություններին և այդ ամենը կատարում են` վերազանցելով իրենց լիազորությունները։

Այս գործողություններով հանցակիցները խախտում են իշխանությունների տարանջատման ու հավասարակշռման սկզբունքը և անգամ փաստացի վերացնում Հայաստանի Հանրապետության՝ իրավական պետության լինելու բնութագիրը։

Նկատի ունենալով, որ այս փաստերում առկա են ՀՀ քրեական օրենսգրքի 300-րդ հոդվածի 1-ին մասի, 300․1-րդ հոդվածի 1-ին մասի և 309-րդ հոդվածի 1-ին մասի առերևույթ հատկանիշներ պարունակող արարքներ և առաջնորդվելով ՀՀ քրեական դատավարության օրենսգրքի համապատասխան հոդվածներով` հանցագործության մասին Գլխավոր դատախազություն ներկայացված հաղորդմամբ խնդիր է դրված հարուցել քրեական գործ և կատարել պատշաճ, անաչառ ու համակողմանի նախաքննություն»:

Այս թեմայով Մեր հայրենիքը որևէ գումարով չի վաճառվում. Հայկ Մամիջանյանը՝ Բրյուսելի հանդիպման մասին (տեսանյութ) Նիկոլին չի հաջողվելու լռեցնել մեզ ու կործանել մեր հայրենիքը․ Սաղաթելյանի նամակը՝ «Արմավիր» ՔԿՀ-ից Թշնամին պահանջում է չեղարկել Անկախության հռչակագիրը, մեր անմիաբանության պատճառով կորսվեց հայրենիքը (տեսանյութ) Մտածում էի` ԱԺ-ում մեկը կոշիկ կամ շիշ կնետեր, երբ Փաշինյանն ասում էր հայրենիքը մնացորդ է, բանակ չկա Ազգային արժեքները ծաղրում են նրանք, ովքեր ոչինչ չեն արել հայրենիքը պաշտպանելու համար. Օհանյան Հայրենիքը պետությունն է. սիրո՞ւմ ես հայրենիքդ՝ եղի՛ր օրինապահ Սիրո՞ւմ ես հայրենիքդ, հաղորդիր հանցանքի մասին, մի կաշառվիր. հայրենիքը պետությունն է. Փաշինյան (տեսանյութ) «Իմ հայրենիքը Հայաստանն է». Պլեխանովի անվան համալսարանի Երեւանի մասնաճյուղում տեղի ունեցավ հայրենասիրական միջոցառում Ինչո՞ւ պիտի անընդհատ պատերազմի միջով անցնենք (տեսանյութ) «Էրդողանն ասել է՝ Գազայի բնակիչները կմեռնեն իրենց հողում, արցախցիների պես չեն լքի իրենց հայրենիքը»