Հրաժարվել եմ ընդունել վարչական վարույթ բացելու ծանուցագիրը. «5-րդ ալիքի» տնօրեն

Պարետը պետք է հասկանա, որ տաղավարը գրասենյակային տարածք չէ եւ եթե այդ տաղավարից մենք արտադրանք ենք տալիս, նշանակում է այն արտադրական է. ես հրաժարվել եմ ստորագրել եւ ընդունել վարչական վարույթ բացելու ծանուցագիրը: Այս մասին ֆեյսբուքյան իր էջում տեղեկացրել է «5-րդ ալիք» Հ/Ը-ի տնօրեն Հարություն Հարությունյանը։

«Ոստիկանները «հյուր» էին եկել «5-րդ ալիք» հեռուստաընկերություն: Պատվով, կարգով ընդունեցինք, թեթեւ բանավիճեցինք, որովհետեւ նրանք ցավոք (չէ, նրանք չէ, պարետը ) չէին հասկանում գրասենյակային տարածքի եւ տաղավարի տարբերությունները: Նրանց հանգամանալից բացատրեցի, որ այնտեղ, որտեղ նստած ենք գրասենյակային տարածք է, իսկ տաղավարը, որտեղ ընթանում են նկարահանումները՝ արտադրական է: Չգիտեմ, թե այս պարզ ճշմարտությունը նրանք կամք կունենա՞ն բացատրել պարետին, բայց նաեւ իմ պահանջով չափեցինք եւ արձանագրեցինք, որ հյուրի եւ հարցազրույց վարողի հեռավորությունը կազմում է 2 մետր 80 սմ: Այսինքն՝ այստեղ եւս սոցիալական հեռավորությունը ապահովված է եւ վարչական վարույթ բացելու պարտադրանքը համարեցի ապօրինի գործողություն: Երկրորդ տաղավարում էլ միայն մեկնաբանն է աշխատում եւ այստեղ էլ սոցիալական հեռավորություն պահելու խնդիր չկա: Կրկնում եմ պարետը պետք է հասկանա, որ տաղավարը գրասենյակային տարածք չէ եւ եթե այդ տաղավարից մենք արտադրանք ենք տալիս, նշանակում է այն արտադրական է: Ես հրաժարվել եմ ստորագրել եւ ընդունել վարչական վարույթ բացելու ծանուցագիրը: Եթե հարցեր կլինեն, կվիճարկենք դատարաններում, իսկ եթե այստեղ հանդիպենք նրանց սրտի կտոր «արմենդանիելյանատիպ» դատավորների , կգնանք դուրս՝ ԵԴ»։

Այս թեմայով Կայացել է «Նոր Ալիքի» նախընտրական փուլը (լուսանկարներ) «Կարմիր ալիք» է պետք, այլապես Ամերիկայի վերջը կգա. Մասկ Վարժանքներից «խուսափողների» դեմ քրգործերի ալիք կսկսվի. «Հրապարակ» Հայտնաբերվել են թմրամիջոցների վաճառքով զբաղվող համացանցային 650 խանութ և 35 ալիք Հարձակումների նոր ալիք՝ «Telegram»-ի վրա․ Արցախի ոստիկանությունը զգուշացնում է Հայաստան է ներթափանցում հզոր ջերմային ալիք ՔՊ–ական պատգամավոր Արթուր Հովհաննիսյանը ներողություն կխնդրի «5-րդ ալիք»-ից Տարբեր անհատների կարծիքների ցուցադրումը չի նշանակում, որ Հեռուստաընկերությունը կիսում է արտահայտված մտքերը․ Առաջին ալիք «Ժողովուրդ». Բողոքի մեծ ալիք է բարձրացել. պատճառն օնլայն առևտուրն է Telegram-ում նորից ապատեղեկատվության մեծ ալիք է սկսվել. Սամվել Մարտիրոսյան