Ազգային ժողովը 14 միլիոն դրամի կոնյակներ է գնել. ցանկում 82,5 հազար դրամանոց կոնյակ կա

Պարզվում է՝ Հայաստանի Ազգային ժողովում թանկարժեք կոնյակների սիրահար են: ԼՈՒՐԵՐ.com-ը Գնումների համակարգից տեղեկացավ, որ խորհրդարանը նախորդ տարի 14,5 մլն դրամի տարբեր արժեքների կոնյակներ է գնել: Ընդ որում՝ ուշագրավ է, որ կոնյակների ամենախոշոր խմբաքանակը՝ 13,4 մլն դրամի, Ազգային ժողովի աշխատակազմը գնել է 2019 թվականի դեկտեմբերին՝ տոներից ընդամենը մի քանի օր առաջ: Ազգային ժողովը հետհեղափոխական իշխանության օրոք միայն պայմանագրերից մեկով գնել է 1030 շիշ կոնյակ: Ձեռք բերված կոնյակները բավականին թանկարժեք են եւ մինչեւ անգամ 30 տարվա հնեցման են: Ցանկից տեղեկանում ենք, որ կոնյակներից ամենաթանկարժեքը 82,5 հազար դրամ է եւ երեսուն տարվա հնեցման: Այս տեսակից ԱԺ-ն ձեռք է բերել չորս հատ: Ստացվում է, որ խորհրդարանը նվազագույն աշխատավարձի 1,5-ի չափով վճարել է միայն մեկ շիշ կոնյակի համար: Հաջորդ ամենաթանկ կոնյակը 50 հազար դրամ է, որից ձեռք է բերվել 15 շիշ: Ընդհանուր վճարվել է 750 հազար դրամ: Եւս 15 շիշ կոնյակ էլ գնվել է՝ յուրաքանչյուրը 39 հազար դրամով: Ազգային ժողովի կոնյակների ցուցակում կան նաեւ 16 հազար, 13, հազար, 11 հազար դրամների եւ այլ արժեքների կոնյակներ: Դրանից գնվել է համեմատաբար շատ՝ յուրաքանչյուրից միջինում 150 շիշ: 2019 թվականին մեկ այլ պայմանագրով էլ 1,1 միլիոն դրամի կոնյակներ են գնվել: Անցած տարում կոնյակների համար միլիոններ չի խնայել նաեւ Պետական եկամուտների կոմիտեն: Գնումների կայքի փոխանցմամբ՝ նախորդ տարի ՊԵԿ-ը կոնյակների համար վճարել է ընդհանուր 5,4 մլն դրամ: Նախորդ տարի մեկ միլիոն դրամի կոնյակներ է գնել նաեւ Ոստիկանությունը: Ոստիկանության օրվա ֆուրշետի համար կառույցը ձեռք է բերել 32 հատ կոնյակ՝ 36 հազար, 27 հազար եւ 18 հազար դրամներով:

Այս թեմայով Ֆրանսիացի խորհրդատուները կօգնեն Հայաստանին կողմնորոշվել կոնյակի նոր անվանման հարցում «Ժողովուրդ». Նախարարությունը չրեր ու կոնյակ է գնել «Ժողովուրդ». Կոնյակասեր իշխանությունը, 34 մլն դրամի կոնյակ են գնել «Ժողովուրդ». Խորհրդարանը մեկ ամսում գրեթե 4 մլն դրամի կոնյակ է գնել «Հրապարակ». ԱԺ աշխատակազմը 10 միլիոն 752 հազար դրամի կոնյակ է գնել Կոնյակ, մարիխուանա, շոկոլադ․ ՔԿՀ-ներում արգելված իրերի փոխանցում է կանխվել «Ձեր հաջողության համար»․ Կոպիրկինը փորձեց «Արարատ» կոնյակի գործարանի արտադրանքը (տեսանյութ) Հայաստանն ակնկալում է ավելացնել կոնյակի մատակարարումը Ռուսաստան Բնակարանային գողը տուժածի տանը ձվածեղ էր արել ու կոնյակ խմել Կառավարությունն արտոնություն է տրամադրել Իջևանի գինու, կոնյակի գործարանին