Սահմանափակումներ, որոնք դեռ գործում են Վրաստանում

Վրաստանում շարունակվում է կորոնավիրուսի տարածման կանխարգելման նպատակով սահմանված սահմանափակումների փուլերով վերացման գործընթացը: Այս մասին հայտնում է Aliq.ge-ն: Հուլիսի 8-ի կառավարության որոշմամբ՝ Վրաստանն իր սահմանները բացեց 5 երկրների համար, որտեղից էլ կընդունի առաջին զբոսաշրջիկներին: Ավելի վաղ որոշում կայացվեց բացել լողավազաններն ու մարզասրահները:

Ըստ կառավարության՝ քննարկումներ են ընթանում նաև բաց տարածքներում մշակութային միջոցառումներ անցկացնելու վերաբերյալ հատուկ հանձնարարականներ մշակելու նպատակով:

Չնայած սահմանափակումների նվազմանը՝ դրանցից մի քանիսը դեռ ուժի մեջ են մնում Վրաստանում: Դեռևս գործող սահմանափակումներն են՝

• փակ տարածքներում, հանրային հաստատություններում, հանրային տրանսպորտում, գրասենյակներում և խանութներում պարտադիր է դիմակ կրելը և սոցիալական հեռավորություն պահպանելը,
• արգելվում է առանց դիմակ հանրային տրանսպորտ մուտք գործելն ու օդորակիչ միացնելը,
• ԲՈՒՀ-երում ուսումնական գործընթացն ընթանում է հեռավար,
• խաղատների և տոտալիզատորների աշխատանքն արգելված է (հնարավոր է միայն առցանց),
• տաքսիի վարորդները պետք է կրեն դիմակ, չի թույլատրվում տաքսիով 2-ից ավել ուղևորի տեղափոխումը,
• փակ տարածքներում արգելվում է մշակութային և սպորտային միջոցառումներ անցկացնել,
• արգելվում է 10-ից ավել մարդու հավաքը այնպիսի միջոցառումներին, ինչպիսիք են հարսանիքը, թաղման արարողությունները, տարեդարձը և այլն:

Հարկ է նշել, որ Վրաստանի խորհրդարանն օրեր առաջ երկարաձգեց հունիսին ընդունված օրենքի նախագծի ժամկետը մինչև 2021 թվականի հունվարի 1-ը, ինչը ենթադրում է, որ կառավարությունը առանց երկրում արտակարգ դրություն հայտարարելու կարող է մի շարք սահմանափակումներ սահմանել:v

По теме «В Армении не вторая волна»: Гордон и Малышева обсудили заявление Пашиняна. Видео