Վրաստանի բնակիչները դրական են գնահատում կորոնավիրուսի դեմ պայքարում իշխանության աշխատանքը

Վրաստանի բնակչությունը գոհ է կառավարության՝ կորոնավիրուսի տարածման դեմ պայքարի գործողություններով։ Այս մասին ասվում է «Gallup International»-ի ուսումնասիրության մեջ, որը ներկայացվել է Imedi հեռուստաալիքի եթերում։

Վրաստանում Gallup-ի համար ուսումնասիրությունն անց է կացրել վրացական «Գորբի» ընկերությունը, որը հունիսի 7-12-ն ընկած ժամանակահատվածում հեռախոսազանգերի միջոցով հարցում է անցկացրել մոտ հազար քաղաքացիների շրջանում։

Համաձայն հարցման՝ Վրաստանում հարցվածների 95%-ը կարծում է, որ կորոնավիրուսային համավարակը վերահսկվում է, և սա ամենաբարձր ցուցանիշն է 17 երկրների շրջանում։ Երկրորդ տեղում Բուլղարիան է, որտեղ դրանում վստահ է բնակչության 72%-ը։

 Վրաստանը Մալազիայի հետ կիսում է առաջատար դիրքն այն երկրների ցանկում, որոնց բնակիչները վստահ են, որ իրենց իշխանությունները հաղթահարում են համավարակը։ Այդպիսի կարծիք են հայտնել հարցվածների 94%-ը։ Երկրորդ տեղում է Կորեան, որտեղ հարցվածների 84%-ը դրական է գնահատել իշխանության աշխատանքը։

Սակայն, Վրաստանում հարցվածների 75%-ը հայտարարել է, որ իրենց եկամուտները համավարակի պատճառով նվազել են։ Այնուամենայնիվ, 63%-ը վստահ է, որ մինչև տարվա վերջ ամեն ինչ կարգին կլինի, և սա երկրորդ ցուցանիշն է ամբողջ աշխարհում․ սրանում ավելի վստահ են Ղազախստանի բնակիչները։

Նշենք, որ Վրաստանում գրանցվել է կորոնավիրուսի 986 դեպք, 857 պացիենտ արդեն առողջացել է, 15-ը՝ մահացել։

Այսօր՝ հուլիսի 12-ին, երկրում հաստատվել է կորոնավիրուսի 5 նոր դեպք։

Այս թեմայով Հայաստանից Վրաստան տանող ճանապարհն է, համաձայն պայմանավորվածության՝ հանձնվելու է Ադրբեջանին Մայիսի 20-ից Վրաստան ենք գնալու Ադրբեջանի միջով. նոր քարտեզ սահմանազատումից հետո Թբիլիսիում բողոքի ցույցեր են․ երթևեկությունը կաթվածահար է (տեսանյութ) Օտարերկրյա գործակալների մասին օրենքը կարող է վնասել ԵՄ–ին Վրաստանի անդամակցության գործընթացին Թբիլիսիում շարունակվում է «օտարերկրյա գործակալների մասին» օրենքի դեմ բողոքի ակցիան (տեսանյութ) Թբիլիսիում բողոքի ցույցեր են՝ «օտարերկրյա գործակալների մասին» օրենքի ընդունման դեմ (տեսանյութ) Վրաստանի վարչապետը երկրի նախագահին անվանել է «օտարերկրյա ազդեցության գործակալ» Վրաստանի նախագահը հայտարարել է օտարերկրյա գործակալների մասին օրենքի վրա վետո դնելու իր մտադրության մասին Տաջիկստանի քաղաքացիներին թույլ չեն տալիս մուտք գործել Վրաստան Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը