Հայաստանը պետք է երաշխավորի Ադրբեջանի տարածքում նավթամուղերի անվտանգությունը․ Արման Բաբաջանյան

ԱԺ անկախ պատգամավոր Արման Բաբաջանյանն անդրադարձել է հայ-ադրբեջանական սահմանին տիրող իրավիճակին:

Պատգամավորը, մասնավորապես, գրել է.

«ՀԱՅԱՍՏԱՆԸ ՊԵՏՔ Է ԵՐԱՇԽԱՎՈՐԻ ԱԴՐԲԵՋԱՆԻ ՏԱՐԱԾՔՈՒՄ ՕՏԱՐԵՐԿՐՅԱ ԳԱԶԱՄՈՒՂԵՐԻ ԵՎ ՆԱՎԹԱՄՈՒՂԵՐԻ ԱՆՎՏԱՆԳՈՒԹՅՈՒՆԸ, ԱՌԱՋԽԱՂԱՑՄԱՆ ԴԵՊՔՈՒՄ՝ ԴՐԱՆՔ ՎԵՐՑՆԻ ԻՐ ԱՆՄԻՋԱԿԱՆ ՊԱՇՏՊԱՆՈՒԹՅԱՆ ՏԱԿ

Հուլիսի 12–ից հայ–ադրբեջանական սահմանագոտու հյուսիս–արևելյան հատվածում Ադրբեջանի սանձազերծած ռազմական սադրանքները, ինչպես և կարելի էր սպասել, տեղափոխովում են նաև արտաքին քաղաքական, դիվանագիտական հարթություն։

Ադրբեջանի նենգությունը արտահայտվում է ոչ միայն հայ–ադրբեջանական սահմանագոտին ու խաղաղ բնակավայրերը հրետակոծելով, այլ նաև միջազգային շանտաժով ու սպառնալիքներով։ Այս օրերին ադրբեջանական քաղաքական ու մեդիա տիրույթում ակտիվորեն շրջանառվում է թեզ, որ հայկական զինված ուժերը կարող են թիրախավորել Ադրբեջանում տեղակայված օտարերկրյա ենթակառուցվածքները։

Այս պարզունակ մոտեցման դրդապատճառները հասկանալի են՝ ադրբեջանցիները փորձում են իրենց իսկ հրահրած ռազմական գործողությունները ներկայացնել որպես օտարերկրյա ենթակառուցվածքների (գազամուղեր և նավթամուղեր) նախագծերի դեմ ուղղված քայլեր։ Իրականում այդ երկրի տարածքում գործող բոլոր, այդ թվում՝ օտարերկրյա ենթակառուցվածքների անվտանգության երաշխավորը Ադրբեջանի իշխանությունն է, որը ցանկացած քայլի դիմելիս պետք է հաշվի առնի նաև այդ հանգամանքը։

Մյուս կողմից սակայն այս ավանտյուրան ուղղված է նաև հայկական կողմին, որին փորձ է արվում ներկայացնել որպես ագրեսիայի, այդ թվում՝ օտարերկրյա ենթակառուցվածքների դեմ ագրեսիայի պատրաստ պետության։ Իսկ դա նշանակում է, որ մենք պետք է անենք առավելագույնը՝ այդ՝ արդեն քաղաքական սադրանքին չտրվելու և օտար գործընկերների համար հասկանալի քաղաքականություն վարելու համար։

Ստեղծված իրավիճակում թերևս ամենաարդյունավետ միջոցը կլինի այն, որ Հայաստանի և Արցախի պատկան մարմինները՝ Արտաքին գործերի նախարարությունները, Պաշտպանության նախարարությունն ու Պաշտպանության բանակը պաշտոնապես հայտարարեն, որ մենք չենք թիրախավորելու Ադրբեջանում գտնվող օտարերկրյա ենթակառուցվաքները, իսկ դրանց՝ հայկական կողմերի առաջխաղացման արդյունքում Հայաստանի կամ Արցախի հանրապետության վերահսկողության տակ անցնելու դեպքում, պատրաստ ենք ապահովելու դրանց անվտանգության լիակատար երաշխիքներ։

Օտար տերություններն ու կորպորացիաները պետք է հստակ երաշխիքներ ստանան հայկական կողմերից առ այն, որ մեր գործողությունները որևէ կերպ ուղղված չեն լինելու իրենց ենթակառուցվածքների դեմ։ Սա նուրբ, չափազանց նուրբ խնդիր է։ Ակնհայտ է, որ Ադրբեջանը պատրաստ է դիմել ցանկացած ստորության, այդ թվում՝ կարող է միտումնավոր ստեղծել պայմաններ, որ հայկական զինված ուժերը ուղղակի այլընտրանք չունենան՝ օտարերկրյա ենթակառուցվածքները թիրախավորելու հարցում։

Մենք որևէ պարագայում չպետք է տրվենք այդ սադրանքներին և ինչպես ռազմական, այնպես էլ դիվանագիտական ճակատներում պետք է գործենք առավելագույն զգուշությամբ՝ թույլ չտալով, որպեսզի Ադրբեջանը կարողանա դիվիդենտներ ստանալ իր իսկ սադրած իրավիճակից։

Հայաստանը և Արցախը չեն թիրախավորելու Ադրբեջանի տարածքում գտնվող օտարեկրյա ենթակառուցվքածները։ Այս երաշխիքը պետք է հասցնել օտարերկրյա տերություններին բոլոր հնարավոր միջոցներուվ ու խողովակներով»:

Այս թեմայով «Աջակցում ենք Թուրքիայի հետ երկաթուղու ապաշրջափակման խոսակցություն սկսելու մտադրութանը» Նախօրեին անհանգիստ ողջ գիշեր մի բանի մասին եմ մտածել․ Արման Բաբաջանյան Եթե ՍԴ-ն չեղարկի ընտրությունների արդյունքները, զգուշացնում եմ՝ լինելու են ծայրաստիճան վտանգավոր հետևանքներ. Բաբաջանյանի բողոքի ակցիան՝ ՍԴ-ի դիմաց ՀՀ ոստիկանությունը ձեռնարկում է միջոցառումներ Արման Բաբաջանյանի ավտոմեքենայի ուղղությամբ կրակելու դեպքի առնչությամբ «Շիրինյան-Բաբաջանյան ժողովրդավարների դաշինքը» ԿԸՀ է ներկայացրել փաստաթղթերը Ընտրություններին կմասնակցի նաև «Շիրինյան-Բաբաջանյան ժողովրդավարների դաշինք»-ը Չի բացառվում՝ ԱԺ-ում ռազմական դրություն հայտարարելու մասին հայտարարությամբ հանդես գանք. Բաբաջանյան Վահե Հակոբյանը քաղաքացիական հայց է ներկայացրել Արման Բաբաջանյանի դեմ Հայ գերիների հարցը ԵԽԽՎ լիագումար նիստի օրակարգում ներառելուն դեմ են քվեարկել ՌԴ ԵԽԽՎ պատվիրակության մի քանի անդամներ. Բաբաջանյան Արման Բաբաջանյանը դիմել է ՀՀ նախագահին՝ Օնիկ Գասպարյանին ազատելու՝ վարչապետի հրամանին ընթացք տալու առաջարկով