Իմունիտետ բարձրացնող դեղերի դեֆիցիտ է․ «Ժողովուրդ»

«Ժողովուրդ» օրաթերթը գրում է․ «Հայաստանյան դեղատներում այս օրերին վիտամինային, այլ կերպ ասած՝ իմունիտետ բարձրացնող դեղերի դեֆիցիտ է: Այս մասին «Ժողովուրդ» օրաթերթը պարբերաբար հեռախոսազանգեր է ստանում այն քաղաքացիներից, որոնք այցելելով դեղատներ՝ պարզում են, որ C վիտամին (եթե կա, ապա սահմանափակ քանակությամբ), ցինկ կամ երկաթ չկա: Դեղատան աշխատողները պատճառաբանում են, որ կորոնավիրուսի պատճառով դրա պահանջարկը բարձրացել է, ինչի արդյունքում եղածն էլ սպառվել է. պատվիրում են, բայց չեն ստանում: «Ժողովուրդ» օրաթերթը դիմեց Առողջապահության նախարարություն, որտեղից մամուլի խոսնակ Ալինա Նիկողոսյանը փոխանցեց. «C վիտամինի խնդիր չկա, ներմուծում ենք եւ կա տեղական արտադրություն, իսկ ցինկը մեր դաշտում չէ, դա սննդային հավելում է»: Ստացվում է, որ կորոնավիրուսի դեմ պայքարում ամենակարեւոր եւ պահանջված ցինկը նախարարության դաշտում չէ: Մինչդեռ մասնագետների պնդմամբ՝ իմունային համակարգն ամրապնդելու միջոցներից մեկը ցինկն է. այս հանքանյութն օգնում է վիրուսային վարակներին դիմագրավելու հարցում։ Նույն մասնագետների խոսքերով՝ ցինկը կարող է կարեւորագույն դեր ունենալ ՔՈՎԻԴ-19 պանդեմիայի հաղթահարման գործում։ Բայց, արի ու տես, հայաստանյան դեղատները ցինկով ապահովված լինել-չլինելու հարցը նախարարության լիազորություններից դուրս է: Դեղատներում նաեւ հակաբիոտիկների դեֆիցիտ է: Օրինակ՝ այս օրերին «Ազիմակ» կոչվող հակաբիոտիկ չկա դեղատներում: Բժիշկները դրա փոխարինողն են նշանակում պացիենտներին: Բացի այս, «Ժողովուրդ» օրաթերթին դիմած քաղաքացիների խոսքերով՝ բժիշկը դեղատոմսում միանգամից նշում է մի քանի հակաբիոտիկների անուններ՝ լավ իմանալով, թե որը կարող է պացիենտը գտնել դեղատնում»:

Այս թեմայով Շուրջ 900 անուն դեղեր չեն ներառվելու էլեկտրոնային դեղատոմսերով բաց թողնվող դեղերի ցանկում ՔԿՀ-ներից հանվում են մեծ քանակի թմրանյութեր, հոգեմետ դեղեր, հեռախոսներ, դեռ գործի 20%-ն ենք արել Մեզ պետք են ոչ թե հարցեր բարձրացնող, այլ դրանք լուծող պաշտոնյաներ․ Փաշինյան 450 մլն դրամից ավելի տուգանք՝ չգրանցված դեղեր ներմուծելու, օրենքի խախտմամբ դեղեր իրացնելու համար «Բառիգները» դարձել են IT ոլորտի մասնագետ, «չամադանով» դեղեր են երկիր բերում, չենք էլ կարող ստուգել Կարմրուկի դեմ երկու դեղաչափ պատվաստված անձանց մոտ ձևավորվում է 97-98% իմունիտետ Անօրինական և կեղծ դեղեր վաճառելու համար մեծ տուգանքներ կսահմանվեն, դեղատան գործունեությունը կկասեցվի Կարմիր Խաչը դեղեր է առաքել Լեռնային Ղարաբաղի բժշկական հաստատություններ Տեսչական մարմինը հսկիչ գնումներ կկատարի՝ կեղծ ու անօրինական ներկրված դեղեր հայտնաբերելու համար (տեսանյութ) Անհրաժեշտ ապրանքները չեն հասնում Արցախ, քաղցկեղով հիվանդների համար դեղեր չկան. ՀՀ ՄԻՊ