Հայաստանի ԶՈւ մեծաքանակ ուժեր կներգրավվեն Ռուսաստանում մեկնարկած խոշոր զորավարժություններին. Հովհաննիսյան

ՀՀ զինված ուժերը ռուսական զինված ուժերի, մասնավորապես, 102-րդ ռազմաբազայի հետ, ընթացիկ զորավարժությունների ընթացքում ունեն համատեղ միջոցառումներ, ինչպես ՀՀ տարածքում, այնպես էլ այլ զորավարժարաններում։ Այս մասին այսօր՝ հուլիսի 17-ին, ասուլիսի ժամանակ ասաց Վազգեն Սարգսյանի անվան ռազմական համալսարանի պետի տեղակալ, ռազմական փորձագետ, Տավուշում ստեղծված լրատվական ճգնաժամային կենտրոնի պատասխանատու Արծրուն Հովհաննիսյանը՝ անդրադառնալով այս ընթացքում ՌԴ-ի հարավային եւ արեւմտյան ռազմական շրջանների անակնկալ զորավարժությունների իրականացմանը։

«Ռուսաստանը մեծ պետություն է՝ հզոր բանակով եւ հաճախ կարող է իրականացնել նման գործողություններ. չեմ կարող մեկնաբանել դրանց  քաղաքական իրադարձությունների կապը։ 102-րդ ռազմաբազայի հետ այս մեծ զորավարժությունների ընթացքում ՀՀ զինված ուժերից կներգրավվեն բավականին մեծ ուժեր, մոտավորապես մեկ գնդին հավասար ուժեր՝ տանկային, հրետանային, մոտոհրաձգային  եւ այլն»։

Լրագրողը հիշեցրեց նաեւ հայ-ռուսական համատեղ զորախմբի մասին եւ հարցին՝ ՀՀ-ի սահմանների վտանգի դեպքում այդ զորախումբը ինչպիսի՞ գործառույթ է կատարելու, Հովհաննիսյանը պատասխանեց. «Հայ-ռուսական համատեղ զորախումբն ունի իր գործողությունների համապատասխան պլանը, ուղղությունը։ ՀՀ զինված ուժերը տվյալ դեպքում ընթացող մարտական գործողությունների ծավալի, բնույթի համար լիովին բավարար են եւ կարող են կատարել իրենց խնդիրները. չկա նման անհրաժեշտություն»։

Անդրադառնալով Թուրքիայի՝ Ադրբեջանին ռազմատեխնիկական աջակցություն տրամադրելուն՝ Արծրուն Հովհաննիսյանն ասաց, որ դա նորություն չէ։

Խոսելով թուրքական ռազմատրանսպորտային ինքնաթիռի՝ Բաքու ժամանելու մասին, Հովհաննիսյանն ասաց. «Երեւի թե ռազմատրանսպորտային ինքնաթիռը նաեւ դրա համար է ժամանել Բաքու։ Մի քիչ զավեշտալի է ստացվում, որ Ադրբեջանը կարծես թե ռազմական առումով ինքնաբավ պետություն էր, մեծ-մեծ հոխորտացող հռետորաբանությամբ։ Եթե այսքան մարտերից հետո կար կարիք հրատապ ինչ-որ բան այդ տրանսպորտով տեղափոխելու, դա մի քիչ հարցեր է առաջացնում»։

Այս թեմայով «Վաղուց այսպես չէի հուզվել». Արծրուն Հովհաննիսյանը լուսանկար է հրապարակել Սարգսյան Գուրգեն Աշոտի իսկական, արժանապատիվ հայ զինվորական, ով գերի չհանձնվեց. Արծրուն Հովհաննիսյան «Իրականում ամեն ինչ այդքան էլ մռայլ չէ». Արծրուն Հովհաննիսյանը` սահմանային միջադեպերի մասին «Սեպտեմբերի 25-ին ԳՇ պետի կողմից հրահանգ է եղել»․ Արծրուն Հովհաննիսյանի նոր բացահայտումները Այս ամենը գրվելու է. Արծրուն Հովհաննիսյան Հայտնի է` ինչ պաշտոն կզբաղեցնի Արծրուն Հովհաննիսյանը Արծրուն Հովհաննիսյանը նոր աշխատանքի կանցնի ՀՀ Ազգային ժողովում. ArmLur.am Սեպտեմբերյան պատերազմ. ՄԱՍ 2. Արծրուն Հովհաննիսյանը նոր մարնրամասներ է ներկայացնում 44-օրյա պատերազմից Մենք հաջորդ պատերազմին նման կեղծ թիրախներ անգամ միլիոն հատ ունենանք արդեն պարտված կլինենք նորից. Արծրուն Հովհաննիսյան Մենք կոնվենցիոնալ պատերազմում չենք կարող թուրքին հաղթել, բայց պատերազմի այլ ֆորմատներ կան. Արծրուն Հովհաննիսյան