Պարզվել է, որ 62-ամյա կինը հանկարծամահ չի եղել. հարուցվել է քրգործ՝ սպանության հատկանիշներով

ՀՀ քննչական կոմիտեի Արարատի մարզային քննչական վարչության Վեդիի քննչական բաժնում քննություն է տարվում՝ Արարատ գյուղական համայնքի՝ 62-ամյա բնակչուհու սպանության դեպքի հանգամանքները պարզելու ուղղությամբ:

ՀՀ Քննչական կոմիտեից հայտնում են, որ 2020թ. հուլիսի 14-ին «Արարատ ԲԿ» ՓԲԸ-ից ահազանգ է ստացվել այն մասին, որ Արարատ գյուղական համայնքի 62-ամյա բնակչուհին հանկարծամահ է եղել:

Նախնական տվյալներով եւ կնոջ ազգականների հայտարարության համաձայն՝ վերջիններս, տեղեկանալով, որ նա չի պատասխանում հեռախոսազանգերին, գնացել են կնոջ տուն եւ նրան հայտնաբերել զուգարանում՝ մեջքի վրա պառկած վիճակում:

Դեպքի առթիվ նախապատրաստվել են նյութեր, վերցվել բացատրություններ, կատարվել է դեպքի վայրի զննություն:

Դատաբժշկական փորձագետի կողմից կատարված դիահերձման արդյունքու  պարզվել է, որ կինը ոչ թե հանկարծամահ է եղել, այլ նրա մահը վրա է հասել պարանոցի եւ կրծքավանդակի օրգանների սեղմման պատճառով տեղի ունեցած շնչահեղձության հետեւանքով: Բացի այդ, դիակի արտաքին զննությամբ մարմնի տարբեր հատվածներում հայտնաբերել են քերծվածքներ եւ արյունազեղումներ:

Նկատի ունենալով, որ նյութերում առկա են քրեական գործ հարուցելու օրինական հիմք եւ առիթ՝ ՀՀ քրեական օրենսգրքի 104-րդ հոդվածի (սպանություն) 1-ին մասով հարուցվել է քրեական գործ, որը նախաքննություն կատարելու համար ուղարկվել է ՀՀ քննչական կոմիտեի Արարատի մարզային քննչական վարչության Վեդիի քննչական բաժին եւ ընդունվել վարույթ: Քրեական գործի նախաքննությունը հանձնարարվել է քննչական խմբին:

Նախաքննության ընթացքում կատարվել են մի շարք քննչական գործողություններ, այդ թվում՝ դեպքի վայրի լրացուցիչ զննություն, հարցաքննվել են մի շարք անձինք:

Նախաքննությունը շարունակվում է:

Ձեռնարկվում են անհետաձգելի քննչական եւ այլ դատավարական գործողություններ եւ օպերատիվ-հետախուզական միջոցառումներ՝ դեպքի բոլոր հանգամանքները պարզելու ուղղությամբ:

Այս թեմայով Նոր նշանակումներ Քննչական կոմիտեում Պարզվել են փողերի լվացման առերևույթ դրսևորմներ Ստեփանավանում. քրգործ է հարուցվել Առերևույթ չարաշահումներ «Պրոֆեսոր Ռ. Հ. Յոլյանի անվան արյունաբանական կենտրոն» ՓԲԸ-ում. հարուցվել է քրեական գործ Միջադեպ` ՀՀ քննչական կոմիտեի աշխատակցի մասնակցությամբ. վերջինս ստացել է մարմնական վնասվածքներ ԱԺ արտահերթ ընտրություններին ընդառաջ քննչական կոմիտեի նախագահի հրամանով ստեղծվել է աշխատանքային խումբ Նոր նշանակում՝ ՀՀ քննչական կոմիտեում Մարտական հերթապահության կանոնները խախտելու եւ ծառայության նկատմամբ անփույթ վերաբերմունքի հոդվածներով հարուցվել է քրգործ ՀՀ քննչական կոմիտեի նախագահը պարգևատրել է ՊՆ ռազմական ոստիկանության մի շարք աշխատակիցներ Այս իշխանությունները թուրքի կամակատար են. ՔԿ գլխավոր վարչության նախկին պետ Թրաֆիքինգի դեպքի առթիվ հարուցված քրգործով մեղադրանք է առաջադրվել ընտանիքի երեք անդամի