Մեկ դատավոր կալանավորվեց, մյուսի գործը դեռ քննվում է

Երևանի ընդհանուր իրավասության դատարանը բավարարել է ՀՀ սնանկության դատարանի դատավոր Գևորգ Նարինյանի նկատմամբ կալանքը երկամսյա խափանման միջոց ընտրելու՝ դատախազի միջնորդությունը:

Այս պահին դատարանը՝ դատավոր Աննա Մաթեւոսյանի նախագահությամբ, քննում է նույն դատարանի դատավոր Արա Կուբանյանին կալանավորելու՝ նախաքննական մարմնի միջնորդությունը։

Գևորգ Նարինյանի փաստաբան Մհեր Հակոբյանը ԼՈՒՐԵՐ.com-ի հետ զրույցում նշեց, որ քրեական գործի հետ կապված դեռ նախաքննություն է ընթանում. «Չեմ կարող ինչ-որ տեղեկություններ տրամադրել, երբ հրապարակվի քրգործը՝ մենք էլ մեր հերթին կմեկնաբանենք»,- ասաց փաստաբանը:

Հակոբյանից հետաքրքրվեցինք, թե պաշտոնական հայտարարությունը երբ կլինի. «Դա պետք է խորհրդակցենք մեր վստահորդի հետ, երբ թույլատրեց՝ այդ ժամանակ էլ կներկայացնենք»:

Երեկ տեղեկություն տարածվեց նաև, որ դատավոր Գևորգ Նարինյանը երակները կտրելու միջոցով փորձել է ինքնասպանություն գործել։ Այս լուրը ևս փաստաբանը չցանկացավ մեկնաբանել. «Դրա հետ կապված էլ մեկնաբանություններ կտա պարոն Նարինյանը, ես լիազորված չեմ, դա իմ վստահորդի բժշկական գաղտնիքն է»,- եզրափակեց նա:

Արփինե Հակոբյան

Այս թեմայով Դիմակավորված անհայտ անձինք երեկ դաժանաբար ծեծի են ենթարկել Սամվել Վարդանյանին` մինչեւ խուց տանելը. փաստաբան Էս ազգն իր գլխին աղետ է բերել, երևի մի հրաշք պետք է լինի, որ էդ աղետից պրծնենք. Աշոտյանի փաստաբան Արա՜, դուք վայելեք, քանի դեռ ձեզ ընդամենը վիժվածք են անվանում. փաստաբան «Ժողովուրդ». ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր Արհեստածին են ՀՀ 3-րդ նախագահին ուղղված մեղադրանքները. Սերժ Սարգսյանի փաստաբան Դատավոր Վահե Միսակյանին խիստ նկատողություն հայտարարվեց Աշոտյանի գույքի վրա արգելանքի մասին հայցը «PR» ակցիա է քաղաքական հետապնդման մասին. փաստաբան Չեմ հասկանում, թե որ շիզոֆրենիկ նոպայի հետևանքով է Աշոտյանին պահում կալանքի տակ. փաստաբան «Ժողովուրդ». Դատավոր Մխիթարյանի համար «ապագա կա»-ն վաղուց լուծված հարց է․ նրա ողջ ընտանիքը արդարադատական համակարգում