Արտաքին թշնամին հասել է մեր տներին, իսկ մենք դեռ նախկինների դեմ ենք պայքարում. Դավիթ Ամալյան (տեսանյութ)

Տարիներ առաջ ասել էի, որ մենք դեռ մի պատերազմ պարտք ենք: Ազգովի պետք է պատրաստ լինենք այդ  պատերազմին: ԼՈՒՐԵՐ.com-ի հետ զրույցում նշեց երգիչ, երգահան Դավիթ Ամալյանը:

«Խաղաղությունը երբեք չեն մուրում, խաղաղությունը կարող ես գրկել այն ժամանակ, երբ դու ես հասել նրան: Ումից ենք խաղաղություն ուզում, երեք տարեկան երեխայի վրա կրակողի՞ց:  Խաղաղություն կարող ես ուզել այն ժամանակ, երբ հաղթել ես, իսկ մենք դեռ պատերազմի մեջ ենք»:

Խոսելով  վերջին շրջանում հասարակության մեջ բաժանարար գծեր դնելու և գույների բաժանելու մասին՝ Ամալյանը նշեց. «Պատերազմի շուրջ համախմբածը ոչ մի քաղաքական ուժ չի կարող բաժանել: Մեր միջև բաժարար գծեր դնողներին ես չեմ պատկերացնում մարտական դիրքերում, մեր հերոս տղաների կողքին կռվելուց»:

Ամալյանը մեր հասարակության մեջ ատելության մթնոլորտ է նկատում, որը, ըստ նրա, պետք է առաջին հերթին իշխանությունները  փորձեն վերացնել: «Արտաքին թշնամին հասել է մեր տներին, իսկ մենք դեռ նախկինների դեմ ենք պայքարում: Նախկինները գնացել են, հիմա ձեր հերթն է»,-  եզրափակելով խոսքը՝ նշեց Ամալյանը:

Մանրամասները՝ տեսանյութում

Հարցազրույցը՝ Անի Հակոբյանի:

Այս թեմայով «Բանակի կողքին չլինելը պետական դավաճանություն է...». Դավիթ Ամալյան Դավիթ Ամալյանի որդին՝ Վարդան Ամալյանն, այսօր կդառնար 20 տարեկան» Դավիթ Ամալյանը Եռաբլուրում երգեց՝ արցունքն աչքերին. Արմեն Մուրադյան (տեսանյութ) «Երբ Եռաբլուրում երգում էր Դավիթ Ամալյանը, քիչ այն կողմ հանգչող Վարդանը լսում էր հոր հոգու ցավը» Ողջերին խնդրում եմ` երբեք տղերքից ոչ մեկի կորուստը անտեղի չհամարեք. Դավիթ Ամալյան