Մեր «Սիրուն տղան»՝ Արթուրը, բանակ գնալու խնջույքին անընդհատ պարում էր. հպարտ էր, որ ծառայելու է

Արթուրին անվանում էին «Սիրուն տղա». մենք փոքր տարիքում երկուսով հաճախել ենք պարի դպրոց: Կային շատ անվանակիցներ, բայց ինքը առանձնանում էր իր սիրունությամբ: Թե՛ պարի դպրոցում, թե՛ մեր հարազատների շրջանում Արթուրը այդպես է հայտնի, ու մինչ օրս էլ այդպես ենք հիշում իրեն: Այս մասին ԼՈՒՐԵՐ.com-ի հետ զրույցում ասաց հայ-ադրբեջանական սահմանին հրազենային ծանր վիրավորումից օրեր անց մահացած 19-ամյա զինծառայող Արթուր Մուրադյանի հորեղբոր աղջիկը՝ Մերին:

«Արթուրը շատ լուսավոր էր. 2019 թվականին ավարտեց Երևանի թիվ 105 ավագ դպրոցը, ընդունվեց ԵՊՀ պատմության ֆակուլտետ. շատ էր սպասում ուսանողական տարիներին, բայց, ավաղ, չհասցրեց վայելել: Ուզում էր սովորել, կայանալ կյանքում: Սիրում էր օրն անցկացնել ընկերների հետ, շատ կենսախինդ էր, իրենից միշտ սովորելու բան ունեինք բոլորս, միմյանց շատ կապված էինք, եղբայրների, քույրերի հանդեպ շատ ուշադիր էր»,- պատմում է Արթուրի քույրը:

Մերին հիշում է՝ բանակ գնալիս՝ Արթուրը ընդհանրապես չէր տխրել. «Տղաներ կան, որ տխրում են, բայց ինքը շատ ոգևորված էր: Ամեն ինչ արվել էր, որպեսզի Արթուրը ծառայեր իր եղբոր հետ նույն զորամասում: Եղբայրը օգոստոսին կզորացրվի»:

Մերին եղբորը վերջին անգամ  տեսել է դեկտեմբերի 17-ին՝ նրա բանակ գնալու խնջույքին. «Շատ ուրախ էր ինքը, ու ես իրեն հենց այդպես եմ հիշում, անվերջ պարում էինք, չնայած՝ իր հետ միշտ է ուրախ եղել»,- իր հիշողություններով կիսվում է Մերին:

Քույրը նկատում է՝ եղբայրս, եթե նույնիսկ նեղսրտում էր՝ իր մեջ էր պահում, ոչ ոքի ցույց չէր տալիս, դժվարություններից երբեք չէր վախենում:

«Արթուրը շատ հայրենասեր ու անվախ էր, բնավորությամբ՝ այդքան էլ բռնկվող չէր»,- ընդգծում է Մերին: 

«Դեպքից առաջ,  որքանով, որ ես եմ տեղյակ, խոսել է մայրիկի ու տատիկի հետ: Դեպքի ժամանակ հեռախոսազանգերին չի պատասխանել, նրա փոխարեն եղբայրն է պատասխանել, ինչն էլ ծնողների անհանգստության պատճառն է դարձել»,- նշում է Արթուրի քույրը:

Արթուրի՝ սիրած աղջիկ ունենալու մասին քույրը չցանկացավ խոսել:

Նշենք, որ օգոստոսի 23-ին կլրանար «Սիրուն տղայի» 19 տարեկանը:

Արփինե Հակոբյան

Այս թեմայով Պիտի 15 մլն փող մուծես, որ տղեդ բանակ չգնա, աղքատի տղերքը կգնան, աշխատող մարդու վրա թքած ունեն Հայաստանը, ինչպես ցանկացած ինքնիշխան պետություն, ունի ուժեղ և մարտունակ բանակ ունենալու իրավունք. Փաշինյան Մտածում էի` ԱԺ-ում մեկը կոշիկ կամ շիշ կնետեր, երբ Փաշինյանն ասում էր հայրենիքը մնացորդ է, բանակ չկա 100 տարի առաջ էլ հույսներս դրեցինք Արևմուտքի վրա՝ չգիտակցելով, որ տարածաշրջանում երկու բանակ կա. Շարմազանով ՀՀ-ն Լեռնային Ղարաբաղում բանակ չունի․ ՀՀ ՊՆ Եթե 18 տարեկանը երեխա է, բերեք բանակ չզորակոչենք. բանակում երեխաներ չկան, կան զինվորներ. Փաշինյան Ադրբեջանը պարտադրում է, որ Հայաստանը բանակ չունենա․ Սեյրան Օհանյան Արձանագրում եմ՝ ԼՂ-ում ՀՀ բանակ չկա, գործում է ԼՂ ՊԲ-ն, որի պատճառը յուրաքանչյուրն ամեն օր տեսնում է Փաշինյանը անհիմն որակեց Ադրբեջանի մեղադրանքները և արձանագրեց՝ ԼՂ-ում Հայաստանի բանակ չկա Հայտնաբերվել են օգտատերերի կողմից բանակին օգնելու պատրվակով դրամահավաքի դեպքեր