Հայկ Մարտիրոսյանը հաղթեց արագ շախմատի Գրան Պրիի 8-րդ փուլում
SportԳրոսմայստեր Հայկ Մարտիրոսյանը հաղթել է արագ շախմատի Գրան Պրիի 8-րդ փուլը: Հայաստանցի 20-ամյա գրոսմայստերը մրցաշարի եզրափակչում 2-0 հաշվով հաղթեց ռուս գրոսմայստեր Վլադիսլավ Արտեմևին: Եզրափակչի երկու մասնակիցներն էլ հաջող ելույթներից հետո ընդգրկվել են Գրան Պրի մրցաշարի ընդհանուր հաշվարկով լավագույն քառյակում: Գրան Պրիի 8-րդ փուլը մեկնարկել էր հուլիսի 21-ին․ մրցաշարին մասնակցել է 745 շախմատիստ։ Գրան Պրիի հաջորդ փուլը կմեկնարկի հուլիսի 28-ին: