ԱՀ նախագահը ծանոթացել է հայկական ռազմարդյունաբերության մասնագետների կատարելագործած զինատեսակներին

Արցախի նախագահ Արայիկ Հարությունյանն այցելել է Պաշտպանության բանակի N զորամաս և ծանոթացել զինված ուժերում հաջողությամբ կիրառվող՝ հայկական ռազմարդյունաբերության ոլորտի մասնագետների կողմից կատարելագործված զինատեսակներին։ Այս մասին Արայիկ Հարությունյանը տեղեկացրել է «Ֆեյսբուք»-ի իր էջում։

«ԱՀ պաշտպանության նախարար Ջալալ Հարությունյանի և ԱՀ ոստիկանության պետ Աշոտ Հակոբջանյանի ուղեկցությամբ այսօր այցելել եմ ՊԲ N զորամաս և ծանոթացել ոստիկանության ծառայողների (ծրագրում ընդգրկված են գրեթե բոլոր ստորաբաժանումները) ուսումնական պարապմունքներին: Ինչպես ԱԱԾ հատուկ վարչության տղաները, այնպես էլ ոստիկանության ծառայողները, հանձնարարականիս համաձայն, ձեռք են բերում սպառազինության որոշ տեսակների կիրառման հմտություններ: Նախնական արդյունքները գոհացուցիչ էին:

Այսօր լավ առիթ էր նաև ծանոթանալու հայկական ռազմարդյունաբերության ոլորտի մասնագետների կողմից կատարելագործված զինատեսակներին, որոնք գործնականում արդեն հաջողությամբ կիրառվում են մեր զինված ուժերում:

«Ուժեղ սահման, ամուր թիկունք, պաշտպանված Հայրենիք» սկզբունքը մշտապես լինելու է մեր ռազմաքաղաքական ջանքերի առանցքում:

Հ.Գ.
Սամբոյի աշխարհի չեմպիոն Մավրիկ Նասիբյանը, ով ոստիկանությունում գումարտակի հրամանատարի պաշտոնն է զբաղեցնում, իր ունակությունները ցուցադրեց նաև «Ֆագոտ» հակատանկային համալիրի վարժասարքի վրա՝ ուսումնական պարապմունքից ստանալով չեմպիոնին վայել գերազանց գնահատական»,- նշել Արցախի նախագահը:

Այս թեմայով Քաղաքաշինության կոմիտեի նախագահը կարևորում է Կառուցապատողների հայկական ասոցիացիայի հետ համագործակցության խորացումը Ժողովրդավարությունը մեր միակ անվտանգային համակարգն է. ՀՀ ԱԺ նախագահը՝ Լիտվայի Սեյմի նախագահին Ղազախստանի նախագահը Հայաստանին առաջարկել է ներդրումային համատեղ ծրագրեր իրականացնել Պաշտոնական այցով Հայաստան է ժամանել Ղազախստանի նախագահը Իսրայելի նախագահը Իրանի հարձակումն անվանել է պատերազմի հայտարարություն Այս պահին Երուսաղեմի հայկական թաղամասում իրավիճակը հանդարտ է «Ժողովուրդ». Հայկական կինոարտադրությունը հեղափոխվում է հայ գործարարների մասնակցությամբ ՀՀ նախագահը և դեսպանը խոսել են Ավստրալիա մուտքի արտոնագրային ռեժիմի դյուրացման հեռանկարների մասին ՌԴ շուկա արգելել են մտնի հայկական կաթնամթերքը, բայց իրանցը դրված ա մեր վաճառասեղաններին. Գաբրիելյան «Ուռա»–ի փոխարեն «Կեցցե». հայկական բանակը նոր կանոնադրություն կունենա