Ավարտվել է «Զատիկ երեխաների աջակցման կենտրոնի» սանին դանակահարելու դեպքի առթիվ քրգործի նախաքննությունը

ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում ավարտվել է «Զատիկ երեխաների աջակցման կենտրոն» ՊՈԱԿ-ի նախկին սանի կողմից նույն կազմակերպության սանին դանակահարելու դեպքի առթիվ հարուցված քրեական գործի նախաքննությունը:

Քննությամբ ձեռք բերված տվյալների համաձայն՝  2020 թ. մայիսի 1-ին՝ ժամը 18:00-ի սահմաններում,  «Զատիկ երեխաների աջակցման կենտրոն» ՊՈԱԿ-ի  նախկին սանը՝ 18-ամյա երիտասարդը, գտնվելով նշված ՊՈԱԿ-ի երկրորդ հարկի միջանցքում,  ցանկացել է զրուցել նույն ՊՈԱԿ-ի սանի հետ: Սակայն վերջինս, գտնվելով ննջասենյակում և խուսափելով նրա հետ զրույցից,  կազմակերպության սաներից մեկին խնդրել է փոխանցել, թե, իբր, ինքը քնած է: 18-ամյա երիտասարդը, ցավագին ընդունելով իր հետ զրուցելուց խուսափելու համար իրեն սուտ տեղեկություններ փոխանցելու հանգամանքը, ննջասենյակից դուրս է կանչել կազմակերպության սանին,  միջանցքում նախ դիտողություն է կատարել վերջինիս, ապա դիտավորությամբ բռունցքով հարվածել է նրա դեմքի շրջանին: Այնուհետև մարմնական վնասվածք պատճառելու դիտավորությամբ,  իր մոտ գտնվող ծալովի դանակով մի քանի անգամ հարվածել է վերջինիս մարմնի տարբեր մասերին՝ առողջությանը դիտավորությամբ պատճառելով կյանքին վտանգ սպառնացող ծանր վնաս:

Ձեռք բերված բավարար ապացույցների համակցությամբ՝ 18-ամյա երիտասարդին մեղադրանք է առաջադրվել՝ ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) 2-րդ մասի 9-րդ կետով։ Նրա նկատմամբ որպես խափանման միջոց է կիրառվել կալանավորումը:

Նախաքննությունն ավարտվել է, և քրեական գործը՝ մեղադրական եզրակացությամբ ուղարկվել դատարան:

Այս թեմայով Շնորհավոր Սուրբ Զատիկ. Տիգրան Ավինյան «Զատիկ»-ի պահնորդը անչափահաս սաների հասցեին, դանակի ցուցադրությամբ, սպառնալիքներ է հնչեցրել Դատախազներն այցելել են «Զատիկ» երեխաների աջակցության կենտրոն ՄԻՊ-ը՝ «Զատիկ» մանկատանը. Զուգարանների դռները չեն փակվում, նույն ներքնաշորն են հագնում, եղել են բռնության դեպքեր Ուրախ Սուրբ Զատիկ բոլորին. Տիգրան Ավինյանը մասնակցել է Սուրբ Հարության պատարագին Բոլոր եկեղեցիների խորանների վարագույրները ծածկվեցին և փակ կմնան մինչև Ս. Զատիկ. սկսվում է Մեծ Պահքը Հազարավոր կանթեղներ՝ Հանրապետության հրապարակում (տեսանյութ) Սկսվում է Մեծ Պահքը. 48 օրից կտոնենք Զատիկը Սուրբ Զատկի օրը ռուս խաղաղապահների ուղեկցությամբ 300 մարդ է այցելել Ամարասի վանք «Շնորհավոր Սուրբ Զատիկ»․ Միհրան Ծառուկյանը կնոջ եւ որդու հետ նոր լուսանկար է հրապարակել